Мохсоҕоллооххо кырдьаҕастар декадаларыгар интернат дьиэ олохтоохторугар концерт көрдөрдүлэр

Кырдьаҕастар декадаларын чэрчитинэн Мохсоҕоллооххо кырдьаҕастар уонна инбэлиттэр интернат дьиэлэригэр, үтүө үгэһи салҕаан, култуура үлэһиттэрин кытта концертаатыбыт.

Мохсоҕоллоохтооҕу интернат дьиэҕэ тэрээһини ыытыыга дизайн уонна технология колледжын устудьуоннара, Өлүөхүмэттэн төрүттээх Кристина Сафронова уонна хоту дойду уолан бэрдэ Афанасий Атласов, Покровскай куорат иккис нүөмэрдээх оскуолатын иккис кылааһын үөрэнээччитэ Кирилл Строев күүс-көмө бөоллулар.

Концеры Василиса Романова алгыс үҥкүүтүнэн саҕалаатыбыт. Концерт бүтүүтэ интернат дьиэтин специалистара көхтөөх олохтоохторго махтал суруктары туттардылар, биһиги өттүбүтүттэн истиҥ-иһирэх тыллары эттибит. Дьыссаат оҕолоро кичэйэн оҥорбут открыткаларын хас биирдиилэригэр бэлэх ууннубут. «Мы желаем счастья вам» диэн ырыанан түмүктээтибит.

Бу күн култуура үлэһиттэриттэн концерка кытыннылар: Александр Уваровскай, Андриан Егоров, Сергей Максимов, Сергей Павлов, Татьяна Павлова, Светлана Ударина, Лидия Харитонова.