Бэҕэһээ, быыбар күн Амма улууһун Эмис нэһилиэгэр “Катюша” бааһынай хаһаайыстыбаҕа үс ньирэй төрөөбүтүн, ньирэйдэри Путин, Грудинин, Собчак диэн ааттыыллар үһү диэн батсаабынан тарҕанна. Чахчытын билээри, хаһаайыны кытта төлөпүөнүнэн кэпсэтэ сырыттым.
Захаровтар 2016 сыл ахсынньытыттан “Катюша” бааһынай хаһаайыстыба тэриммиттэр. Былырыын хотоннорун кэҥэттэн сүөһүлэрин элбэппиттэр. Күн бүгүн 10 ынахтаахтарыттан түөрдэ төрөөбүт. Тыа хаһаайыстыбатын граныгар киирсибиттэр эрээри, хапсыбатахтар. Онон быйыл биэрбэтибит диэн кэпсиир.
Хаһаайын Алексей Дмитриевич ааспыт сылларга биир күн үс ньирэй төрөөбүтэ диэн суоҕа, буолаары буолан быыбар күн диэн кэпсиир. “Үөрүүбүтүттэн ийэбиниин Екатерина Гаврильевна Захаровалыын иккиэн видеоҕа түһэрбиппит батсаабынан тарҕанан хаалбыт. Батсаапка икки оҕус, биир тыһы төрөөбүт, онон Путин, Грудинин, Собчак диэн ааттыыллар үһү диэбиттэр. Оннук буолбатах, икки тыһы, биир оҕус. Уонна дьон аатын биэрбэт буоллахпыт. Бүгүҥҥүтэ ньирэйдэрбитин ааттыы иликпит. Оҕолорбут ааттыыллар ини. Урукку да сылларга кинилэр толкуйдааччылар”, — диэн санаатын үллэстэр.
Номинант премии «Человек труда» Якутии рассказала о том, как однажды кардинально изменила свою жизнь
К традиционному хороводу присоединились представители власти и общественности республики
Исполнила песню Июлина Попова
Глава Чурапчинского района подчеркнул, что развитие Якутии сегодня - следствие создания государственности
Звезды гороскопа с удвоенной силой будут склонять к осторожности
В народном календаре 28 апреля отмечается Пудов день