И.М.Сосин аатынан Майатааҕы киин бибилэтиэкэҕэ «Умнуллубат аат Аркадий Новиков» диэн саҥа кинигэ сүрэхтэниитэ буолла.
Кинигэ сүрэхтэниитигэр Аркадий Михайлович бииргэ төрөөбүттэрэ: Петр Михайлович уонна Галина Михайловна, уола Ян Аркадьевич, «Дьаҥхаады нэһилиэгэ» МТ баһылыга Иннокентий Яковлев, бииргэ үлэлээбит кэлиэгэлэрэ, алтыспыт доҕотторо, сүгүрүйээччилэрэ кэллилэр. Көрсүһүүнү «Көөчөөн-көрө» мини тыйаатыр салайааччыта Анна Охлопкова салайан ыытта.
Кинигэни билиһиннэриини ааптардартан биирдэстэрэ, «Көөчөөн көрө» мини тыйаатырга артыыстаабыт, билигин Тараҕай нэһилиэгэр бибилэтиэкэринэн үлэлиир Варвара Егорова оҥордо. Дэҥҥэ көстөр талааннаах Аркадий Новиков бу күн сиригэр суох буолуоҕуттан, 2015 сыллаахтан кини олоҕун, айар үлэтин туһунан кэпсиир ахтыы кинигэни оҥорор туһунан санаа үөскээбит. Кинигэ «Алаас» кинигэ кыһатыгар бэчээттэнэн тахсыбыт.
Үс түһүмэхтэн турар кинигэ элбэх хаартыскалардаах, кэнсиэртэрин, киинэлэрин афишалара, хаһыакка тахсыбыт интервьюлара, кини туһунан сырдатыллыбыт ыстатыйалара, айар үлэтиттэн уруһуйдара, ону сэргэ Саха сиригэр бүтүннүүтүгэр кэриэтэ тилийэ көппүт гастролларыттан айаннаабыт суолларын хаартата киллэриллэн, атын кинигэлэртэн уратыламмыт.
«Умнуллубат аат Аркадий Новиков» кинигэ эмиэ бэйэтин дьоруойун курдук ураты, хатыламмат, майгыннаабат тыыннаах буолбута кэрэхсэннэ. Кинигэ торумун, оҥкулун оҥорууга Елена Слепцова-Куорсуннаах ыйан-кэрдэн биэрбит итиэннэ «Сэлээппэлээх киһи» диэн истиҥ ырытыыны оҥорбут.
Аркадий Михайлович уола, оройуон Сэбиэтин дьокутаата Ян Новиков кинигэни сүрэхтээбит ааптардарга: Анна Охлопковаҕа,Елена Слепцоваҕа, Саргылаана Адамоваҕа уонна Варвара Егороваҕа оҕолорун, сиэннэрин, аймахтарын ааттарыттан махталын тиэртэ.
«Дьаҥхаады нэһилиэгэ» МТ баһылыга Иннокентий Яковлев Төхтүр кулуубугар Аркадий Новиков аатын иҥэрэр туһунан былааны билиһиннэрдэ. Бу дьоро киэһэҕэ «Аркадий Новиковтыын алтыспыппыттан дьоллоохпун» диэн Маргарита Максимова,Тамара Афанасьева, Мария Скрябина, Анастасия Константинова, Клим Федоров, Данил Осипов, уо.д.а. сылаас этиилэринэн аҕыннылар.
Якутяне выбирают лучшую библиотеку республики в онлайн-конкурсе
Мероприятие собрало депутатов для освоения современных инструментов нормотворчества и управления проектами с использованием ИИ
Депутаты Госдумы на пленарном заседании приняли во втором и третьем чтениях соответствующий законопроект
Горячее, саламат и десерт: школьники Якутии продемонстрировали мастерство на кулинарном конкурсе
Круглый стол провели в рамках III Съезда представительных органов власти Якутии
В Якутии подвели итоги проекта «Идэтийии: создание условий для сохранения и популяризации традиционной культуры»