Саха Өрөспүүбүлүкэтин биллиилээх комига, талааннаах киинэ режиссера, артыыс, улуус, Майа сэлиэнньэтэ, Дьаҥхаады нэһилиэгин Бочуоттаах гражданина, «Көөчөөн-көрө» норуот мини-тыйаатырын төрүттээбит, СӨ култуураҕа үтүөлээх үлэһитэ Аркадий Михайлович Новиков 70 сааһыгар аналлаах «Умнуллубат аат Аркаадьый Нуобукап» диэн ахтыы күннэрэ сэтинньи 20-25 күннэригэр ыытыллаллар.
Ахтыы күннэрин чэрчитинэн сэтинньи 20 күнүгэр Р.Г.Васильев аатынан кыраайы үөрэтэр мусуойга Аркадий Новиков олоҕун, айар үлэтин кэпсиир быыстапкатын үөрүүлээх аһыллыыта буолла.
Быыстапкаҕа Аркадий Новиков бэртээхэй худуоһунньук быһыытынан сатира, юмор уустук жанрыгар үлэлээбит сорох уруһуйдара дьон дьүүлүгэр таҕыстылар. Биллэрин курдук, мээнэ киһи шарж, карикатура жанрыгар ылла да уруһуйдаан киирэн барбат.
Аркадий Михайлович бэйэтэ ураты киһи, артыыс буолан итиэннэ олоххо буолар түгэннэри, бэлиитикэ итэҕэстэрин дьэҥкэтик көрөрү, бэйэтэ күлэри уонна күллэрэри сатыыр эриэккэс талааннаах буолан, бу жанрга хорутуулаахтык үлэлиир этэ. Онон кини үлэтэ эдэр худуоһунньуктары элбэххэ үөрэтэ туруоҕа.
Ону сэргэ мусуой саалатыгар Аркадий Михайлович сыанаҕа кэтэр көстүүмнэрэ, кинини араас матырыйаалтан оҥорон бэлэхтээбит мэтириэттэрэ, таһаарбыт киинэлэриттэн, сыанаҕа толорор уобарастарын кэпсиир хаартыскалар туруорулуннулар.
Үлэлэр устуоруйаларын «Көөчөөн-көрө» мини-тыйаатыр салайааччыта Анна Охлокпова сырдатта. Быыстапканы нэдиэлэ устата үлэлиэ.
Зрителям завязали глаза и дали ощутить концерт в принципиально новом жанре
В спортзале Алданской гимназии занимаются пятью видами спорта. Сегодня зал используется для проведения школьных уроков по…
Ребятам предстоит пройти курс обучения основам железнодорожного ремесла
Опытный путешественник из Мирного планирует пройти за три месяца от самой южной точки до самой…
Маршруты автобусов перестроят на время мероприятий в честь Дня Победы
За нарушения требований пожарной безопасности в условиях особого противопожарного режима предусмотрены штрафы