«Таатта улууһа» муниципальнай оройуон салалтата, общественноһа, айар талааннаахтара Чурапчы оройуонугар үгэс буолбут күннэрин ыытта. Быйылгы тэрээһин төрдүс төгүлүн ыытыллар. Дьыалабыай, культурнай, спортивнай көрсүһүүлэр, санаа атастаһыылара, атыы-эргиэн тэрээһиннэрэ, уус-уран самодеятельность улахан кэнсиэрэ үрдүк таһымнаахтык аастылар.
Икки улуус баһылыктара А.Т.Ноговицын уонна М.М.Соров бэйэ-бэйэлэрин ситэрсэн, хардарыта улуустарыгар туох саҥа баарын күннээҕи олохторугар сөптөөхтүк туһанан сайдалларын, үүнэллэрин, ситиһиилэригэр тирэх оҥостоллорун бэлиэтээн, махталларын биллэрэн санаа бастыҥын, тыл күүстээҕин эппиттэрин мустубут дьон астына иһиттилэр.
Кµн устата Таатта улууһун «Иитэр-үөрэтэр эйгэтэ» үөрэх-култуура кластерын, улуус уран тарбахтаахтарын быыстапкалара, агрохайысхалаах оскуолалар бородууксуйаларын «Сделано в Таатте» диэн брендовай атыы-дьаарбаҥкалара тэрилиннэ.
Быыстапкаҕа улуустааҕы «Үрдэл» оҕо тэрилтэтин үөрэнээччилэрэ (салайааччы М.Д.Алексеева, бэрэссэдээтэл Ытык Күөл 1№-дээх орто оскуолатын 11-с кылааһын үөрэнээччитэ Дьулус Аянитов) кыттаннар, улуус общественноһа атын сирдэргэ хайдах кыттарын, бэйэ үлэтин сатабыллаахтык кэпсииргэ, көрдөрөргө үөрэннилэр. Маны сэргэ норуот маастардарын маастар-кылаастара буолла.
Таатта улууһун тыа хаһаайыстыбатыгар салалтатын начальнига В.М.Алексеев Одьулууҥҥа, «Чурапчы» СПК-ҕа 13 киһилээх делегацияны илдьэ сылдьыбытын, онно саҥа саҕалыыр ыччат фермердэр сылдьан уопут ылбыттарын иһитиннэрдэ. Оттон үөрэҕирии салалтатын начальнигын солбуйааччы З.П.Охлопкова иһитиннэрбитинэн, Чурапчы киинин оскуолаларыгар, оҕо саадтарыгар сылдьан баран, «Эффективный контракт» төгүрүк остуол ыыттылар. Онно үөрэх тэрилтэлэрин муниципальнай бүддьүөтүнэн салайыыттан судаарыстыбаннай тэрилтэ быһыытынан салалтаҕа көһөрүүгэ санааларын атастаспыттарын, уопуттарын үллэстибиттэрин кэпсээтэ.
Тааттатааҕы норуот тыйаатырын артыыстарын кэнсиэрэ үрдүк таһымнаахтык ааста. Кэнсиэр бастакы чааһыгар Тимофей Сметанин «Лоокуут уонна Ньургуһун» драматынан Суорун Омоллоон либреттотыгар туруоруу көрдөрүлүннэ.
СӨ Бэрэсидьиэнэ Егор Афанасьевич Борисов библиотекатыгар «Таатта» хаһыат редакцията таһаарбыт «Платон Алексеевич Ойунский: «Был я сыном народа…» кинигэтин Чурапчы улууһун Ойуунускай олоҕун, айар үлэтин, литературнай нэһилиэстибэтин сэҥээрээччилэр, общественность киэҥник ырыттылар. Кинигэни ырытыыга Саха народнай суруйааччыта Семен Андреевич Попов-Тумат, П.А. Ойуунускай кэргэнин Чурапчыга олорор аймахтара, икки улуус баһылыктарын солбуйааччылара, Чурапчытааҕы физкультура уонна спорт институтун доцена, филос.н.к. Е.Г. Винокуров, «Таатта» хаһыат редактор-директора А.К. Посельская кыттыыны ыллылар.
Зрителям завязали глаза и дали ощутить концерт в принципиально новом жанре
В спортзале Алданской гимназии занимаются пятью видами спорта. Сегодня зал используется для проведения школьных уроков по…
Ребятам предстоит пройти курс обучения основам железнодорожного ремесла
Опытный путешественник из Мирного планирует пройти за три месяца от самой южной точки до самой…
Маршруты автобусов перестроят на время мероприятий в честь Дня Победы
За нарушения требований пожарной безопасности в условиях особого противопожарного режима предусмотрены штрафы