Сунтаар улууһун дьаһалтатын мунньахтыыр саалатыгар дьаһалта бырамыысыланнаска, инфраструктураны сайыннарыыга отделын тэрийиитинэн «Сургутнефтегаз» ААУо бэрэстэбиитэллэрэ кыттыылаах уопсастыбаннай дьүүллэһии буолла.
Арассыыйа биир бөдөҥ «Сургутнефтегаз» тэрилтэтэ Сунтаар улууһун Куокуну уонна Тэҥкэ нэһилиэктэрин сирдэрин хабан, «Бүлүү-Дьэрбэ» учаастагар сир баайын көрдүүр үлэлэрин бастакы түһүмэҕин саҕалыахтаахтара биллэр. Бастакы скважиналары хаһар үлэлэрин 2018-2019 сылларга ыытыахтаахтар. Бу сырыыга кэпсэтии ол тула буолла.
Көрсүһүүнү улууспут баһылыгын бастакы солбуйааччы Николай Александров салайан ыытта. «Сургуттар» Николай Павлович сорох ыйытыктарыгар, этиилэригэр соччо чопчу эппиэти биэрбэт курдуктар. «Сургутнефтегаз» өттүттэн сүрүн иһитиннэриини тэрилтэ скважиналары тутууну бырайыактыыр отделын инженер технолога Анатолий Федоров оҥордо. Кинини кытта уопсастыба Саха сиригэр сайдыытыгар управлениетын начаалынньыга Константин Герасимов, дьөлө үүттээһин бырайыагын документациятын хонтуруоллуур отделын сүрүннүүр исписэлииһэ Марина Солнцева, тулалыыр эйгэни харыстыыр отдел начаалынньыга Анна Ковтун, сири туһаныы отделын начаалынньыга Сергей Панов уонна бырайыактыыр үлэлэри бэлэмниир отдел инженерэ Артур Саубанов кытыннылар.
Бастакы үлэлэр Куокуну нэһилиэгин сиригэр саҕаланыахтаахтарынан нэһилиэк баһылыга Леонид Михалев кэккэ ыйытыктары оҥордо, этиилэри киллэрдэ. Ону тэҥэ Саха Өрөспүүбүлүкэтин Уопсастыбаннай палаататын чилиэнэ, «Корона» фирма салайааччыта Надежда Львова бэйэтин санаатын эттэ, ыйытыктары туруорда. Биһиги улууспутугар бырамыысыланнас бэтэрээнэ Михаил Акимов эмиэ кэккэ боппуроустары биэрдэ.
Дьүүллэһии түмүгүнэн боротокуол ылылынна, аны алтынньыга буолуохтаах маннык көрсүһүүнү Куокунуга оҥорорго сөбүлэстилэр. Улууспутугар араас ыарахан, ордук онкологическай ыарыылар элбээн иһэллэринэн, улуус киин балыыһатыгар киһи доруобуйатын кэлимник чинчийэр аныгы МРТ аппарааты туруорсулунна.
Баҕарбыппыт да, баҕарбатахпыт да иһин сирбит баайын көрдөөһүн, туһаҕа таһаарыы мантан инньэ өссө күүскэ барыаҕа сэрэйиллэр. Оттон биһиги бары турунан, тустаах сокуоннарга олоҕуран, айылҕабытын харыстаһарбыт, социальнай көмүскэлбитин туруорсарбыт наада.
Существенные корректировки сроков охоты коснулись летне-осенней охоты на пернатую дичь
Трое задержанных причастны к повреждению стекол на теплой автобусной остановке на улице Кальвица
Конфликт возник из-за спора о поврежденной машине после ДТП
Филиалы планируют открыть в Оймяконском, Среднеколымском, Жиганском, Абыйском районах
Организаторы рассказали о церемонии открытия, стоимости проживания в палаточном городке и готовности инфраструктуры села
Уровень достижения целей нацпроектов по итогам пяти месяцев в Якутии составил 97,7 %