Сунтаар улууһугар алтыс төгүлүн ыаллыы сытар Мииринэй оройуонун бырамыысыланнай тэрилтэлэрэ, сүрүннээн «АЛРОСА» хампаанньа кыттыылаах үлэ дьаарбаҥката буолан ааста. «Ыччат дьиэтигэр» буолбут быйылгы дьаарбаҥкаҕа улууспут бары нэһилиэктэриттэн барыта 160-ча киһи кэлэн кытынна.
Бу сырыыга дьаарбаҥкаҕа үлэ миэстэтин Удачнайдааҕы хайаны байытар кэмбинээтэ (ГОК) туруорда. Тэрээһиҥҥэ кэмбинээт бэрэстэбиитэллэрэ О.Г.Зайка, Е.С.Абдуллаева, А.А.Лапихин кытыннылар. Билигин кэмбинээт иһинэн «Удачнай», «Зарница» кимберлит туруупкалара уонна Үөһэ Муунатааҕы учаастак үлэлииллэр. Кэмбинээт алмааһы хостооһуҥҥа «АЛРОСА»-ҕа ылар ирээтэ ааспыт 2016 сылга 11% тэҥнэспит.
Дьаарбаҥкаҕа кыттыбыттартан үксүлэрэ суоппар идэтин көрдүүллэр. Үлэҕэ ылыллар түгэннэригэр улахан аҥаардара Үөһэ Муунаҕа барыахтара. Билигин онно улууспутуттан хас да киһи үлэлии сылдьар.
Дьаарбаҥка кыттыылаахтарын улуус баһылыга Анатолий Григорьев эҕэрдэлээн туран, ситиһиилэри баҕарда. Ол кэннэ Удачнайдааҕы ХБК бэрэстэбиитэллэрэ үлэ-хамнас ымпыктарын-чымпыктарын, ханнык мааркалаах тиэхиньикэҕэ үлэлиэхтэрин туһунан кылгас гынан баран, өйдөнүмтүөтүк кэпсээтилэр.
Үлэ дьаарбаҥкатын түмүгүнэн 130 киһи бэйэтин резюметын (наада буолар докумуону) толорон туттарда. Олору үөрэтэн, билсэн баран, наадалаах исписэлиистэри кэлэр 2018 сыл III кыбартаалыгар үлэҕэ ыҥырыахтара.
В бронзовом финале якутская спортсменка одолела чемпионку многих международных турниров из Словении
Подборка новостей за пятницу
По результатам объезда республиканской комиссии по благоустройству был выявлен ряд недостатков
В дальнейшем подобную практику презентации планируют проводить на внешних рынках
Снижение зрения выявлено у 79% школьников
Движение будет ограничено c 22:00 часов 4 мая до 03:00 часов 5 мая