Соторутааҕыта ыытыллыбыт эдэр ийэлэргэ анаммыт бастакы кэмпириэнсийэҕэ улуус бас-көс дьоно уонна эдэркээн ийэлэр муһуннулар. Тэрээһини Мииринэйгэ буолан ааспыт Ыччат ыһыаҕын “Эдэр дьиэ кэргэн-2017” күрэс кыайыылааҕа Юлия Филиппова тэрийдэ.
Кэмпириэнсийэ улууска эдэр ийэлэр уопсастыбаларын тэрийиэххэ диэн түмүккэ кэллэ. Эдэр ийэлэр уопсастыбалара сокуонунан бигэргэнэн, нэһилиэк, улуус сайдарын туһугар үлэлэһиэҕэ диэн саҥа уопсастыба бэрэссэдээтэлэ Юлия Филиппова эттэ.
Дьахтар оруолун, дьиэ кэргэҥҥэ, олоххо-дьаһахха, бэлиитикэҕэ даҕаны кини сүрүн миэстэни ыларын туһунан элбэх санаа этилиннэ. Ол курдук, Оҕо дьоҕурун сайыннарар киин дириэктэрэ Ангелина Антонова аан дойду, бүтүн Арассыыйа олоҕо сайдарыгар, бэлиитикэтэ уларыйарыгар элбэх дьахтар сыратын-сылбатын биэрбитин туһунан сиһилии кэпсээтэ. “Дьахтар – моой, оттон эр киһи – төбө. Моой хайа диэки хайыһар, ол диэки төбө батыһар” диэн этиини холобурдаан, дьахтар, кэргэн, ийэ эр киһини сырдыкка, сөптөөх суолга сирдиэхтээх, муударай буолуохтаах диэн санаатын эттэ.
Сунтаар оройуонун борокуруорун солбуйааччы Наталья Павлова төрөппүт эбээһинэһин уонна ону тутуспатах төрөппүт административнай эбэтэр холуобунай эппиэтинэскэ тардылларын туһунан билиһиннэрдэ.
“Тыа сирин дьиэ кэргэнэ-2017” күрэс кыайыылааҕа, 6 оҕолоох Васильевтар дьиэ кэргэн ийэлэрэ Людмила Васильева эдэр ийэлэргэ дьиэ кэргэнин туһунан кэпсээтэ, оҕону үлэнэн иитиэххэ наадатын туһунан тоһоҕолоон эттэ.
Кэмпириэнсийэҕэ дакылааттарынан эрэ муҥурдаммакка, маастар-кылаастар ыытылыннылар. Нэһилиэккэ уран тарбахтаах, айар дьоҕурдаах эдэркээн ийэлэртэн биирдэстэрэ Сунтаардааҕы политехническай лиссиэйгэ учууталынан үлэлиир Диана Крылова буолар. Манна мустубут ийэлэргэ кини полимернай туойунан оҕо таҥаһыгар сөптөөх көрүдьүөс, мультфильм дьоруойдарын мэтириэттэрин санатар тимэхтэрин аҕалан көрдөрдө, хайдах оҥоһулларын ыйан-кэрдэн биэрдэ. Эдэр ийэ, Сунтаардааҕы 2 №-дээх оскуола учуутала Октябрина Афанасьева оҕо сымнаҕас оонньуурун оҥорорго үөрэттэ.
«BeautyFit» фитнес-кулууп тириэньэрэ Ольга Захарова мустубут ийэлэргэ тас көрүҥү тупсарарга судургу эрчиллиилэри көрдөрдө, доруобай аһы сиэххэ, доруобуйаны тупсарыахха наадатын туһунан санатта.
Флаг Спартакиады по национальным видам спорта передан Хангаласскому улусу
Общекомандное первое место завоевали представители Мегино-Кангаласского улуса
Награждение пройдет на церемонии закрытия Спартакиады по национальным видам спорта
Звезды советуют свести к минимуму общение, чтобы не обидеть близких
Второе место заняла команда Верхневилюйского района, третье — команда Чурапчинского района
Национальное многоборье закрыло программу Игр Манчаары