Сунтаардааҕы алын сүһүөх оскуола территориятыгар улууска бастакы бассейннаах спортивнай комплекс тутуллар миэстэтигэр бастакы сыбаайаны түһэрии үөрүүлээх сиэрэ-туома буолла. Манна кэлбит салайааччылар, тутуу үлэһиттэрэ, спортсменнар, оскуола учууталлара, үөрэнээччилэр, олохтоохтор кыахтаах тиэхиньикэ тоҥ буору дьөлө хаһарын сэргээн, интэриэһиргээн көрдүлэр.
Баараҕай дьиэ муниципальнай-чааһынай бииргэ үлэлээһин бырагырааматынан бу дьыл 4-с кыбаарталыттан тутуута саҕаланар.
Спортивнай комплекс-бассейн үс этээстээх, 42 х 41 миэтэрэ кээмэйдээх, 140 миэстэлээх буолара былааннанар. Тутуу генеральнай бэдэрээччигэ Владимир Яковлев салайааччылаах «ВИД» хааччахтаммыт эбээһинэстээх тэрилтэ.
Алгысчыт аал уотун аһатан, сыбаайа түһэр миэстэтигэр сиэл түһэрэр, кымыс кутар уонна үлэни саҕалыырга көҥүл биэрэр. Ону кытта тэҥҥэ 10 миэтэрэ уһуннаах дьиэ бастакы «атаҕа» дьоһун бэйэлээхтик миэстэтин булар.
Бу үөрүүлээх, улуус устуоруйатыгар киирэр кэрэ-бэлиэ түгэн тэрээһинигэр алгыс тылларын, эҕэрдэлэрин эттилэр: Сунтаар улууһун дьаһалтатын баһылыга Анатолий Григорьев, Сунтаар нэһилиэгин дьаһалтатын баһылыга Эдуард Филиппов, Сунтаар улууһун Сэбиэтин дьокутаата, оҕо спортивнай оскуолатын дириэктэрэ Александр Михайлов, спортсмен ыччаттар ааттарыттан көҥүл тустууга өрөспүүбүлүкэ хас да төгүллээх чөмпүйүөнэ Данил Аввакумов.
Это прекрасное время для общения, день может предоставить возможность обратить симпатии окружающих себе на пользу
Спортсмен также обновил прошлогодний рекорд России, который был установлен им же
29 апреля у православных начинается Страстная неделя
Начало в 19.00
Хозяин тайги искал что-нибудь съестное на подкормочной площадке
Елена Ильина работает в Республиканском доме-интернате для престарелых и инвалидов 25 лет