Бу нэдиэлэҕэ аатырбыт асчыт Иннокентий Тарбахов көмөлөһөөччүлэринээн Константин Матаннановтыын, Туйаара Дьяконовалыын Сунтаарга кэлэн маастар-кылаастары, оскуола үөрэнээччилэригэр «Тарбаахаптыын астыахха» диэн бэстибээли ыыттылар.
«Сүрүн сыалбыт-сорукпут диэн оҕолору кытары үлэ буолар. Улуустааҕы бэстибээлбит саҕаланна. Нэһилиэктэриттэн 17 оҕо кытта кэлбит. Бары бэлэмнэммиттэр. «Саха аһа» диэн региональнай уопсастыбаннай тэрилтэ тэрийбиппит. Бу тэрилтэбитинэн бырагыраама суруйан «Үүнэр көлүөнэ» пуондатыттан Грант ылан, бу үлэбитин ыыта сылдьабыт. Сунтаарга кэлиэхпит иннинэ Анаабыр, Томпо улуустарыгар сылдьыбыппыт. Бэстибээллэр түмүктэринэн иккилии-үстүү кыайыылаахтары талан, ахсынньы 9 күнүгэр Дьокуускай куоракка ыҥырыахпыт. Онно оҕолор тэлэбиидэнньэ студиятыгар биирдии бүлүүдэни астаан көрдөрүөхтэрэ. Дьокуускайдааҕы атыы-эргиэн колледжыгар үлэлиирим быһыытынан, сорудах ыламмын сырыым аайы оскуола, оҕо саадын, балыыһа асчыттарыгар үөрэх ыытабын. Манна улуус үөрэх тэрилтэлэриттэн, балыыһаларыттан 60-ча асчыт үөрэннэ. Маны таһынан, кинигэм презентацията, кондитердарга маастар-кылаастар буоллулар», – диэн асчыт Иннокентий Тарбаахап сырыытын туһунан кылгастык билиһиннэрэр.
«Тарбаахаптыын астыахха» бэстибээл Сунтаар 1 №-дээх орто оскуолатын остолобуойугар ыытылынна. Оҕолор сааһынан үс бөлөххө арахсан кытыннылар.
Күрэскэ оҕолор бэйэлэрин, дьиэтээҕи үлэлэрин – астаан аҕалбыт астарын — Иннокентий Тарбахов салайааччылаах дьүүллүүр сүбэҕэ билиһиннэрдилэр. Иккис түһүмэххэ кыра саастаах оҕолор күөрчэх ытыйдылар, орто саастаахтар бэйэлэрэ талбыт салааттарын, улахаттар Иннокентий Иннокентьевич айбыт ырысыабынан «Сандалы» бэрэски астаатылар.
В Якутске, несмотря на отмену первомайской демонстрации, запланирована насыщенная культурная программа на центральных площадях. Публикуем…
Айсен Николаев поздравил с Первомаем
Огонь игр преодолел более 26 тысяч километров
По предварительным данным, общая сумма незаконного денежного вознаграждения составляет почти 14 млн рублей
Весь день звезды будут склонять к активным, энергичным действиям
Александр Дегтяренко выступал в составе сборной команды ДФО