Сунтаар улууһун бастыҥ предпринимателинэн Лидия Федорова ааттанна

Сунтаар улууһун бастыҥ предпринимателэ Лидия Федороваҕа 50 тыһ.солк. улуус баһылыга Анатолий Григорьев туттарда. 

Аччыгый уонна орто биисинэс эйгэтигэр үлэлиир пред­принимателлэр табыгастаахтык, дьоҥҥо туһалаах­тык уонна улуус социальнай-экэнэмиичэскэй сайдыытыгар көхтөөхтүк кыттыыларын ситиһэр сыалтан «Бастыҥ предприниматель» күрэс ыытылынна.

Бу күрэх улууспутугар Тыа сирин үлэһитин сылыгар ыытыллар тэрээһиннэр чэрчилэринэн барда.

Куонкуруска 14 сайаапка киирбититтэн, күрэх кыайыы­лааҕа Сунтаар улууһун официальнай сайтын нөҥүө куолас­тааһынынан талылынна. Барыта 4132 киһи куоластаабытыттан, 1672 куолаһы ылан, Федорова Лидия Филипповна («Лидия» ателье салайаач­чыта) кыайыылааҕынан таҕыста.