Сунтаар улууһугар "Тыа сирин үлэһиттэрин сылыгар" бастыҥнары быһаараллар

13:18, 19 сентября 2017
Текст:
Читайте нас на
Дзен
afisha.png

Тыа сирин үлэһиттэрин сылын чэрчитинэн ааспыт үлэ нэдиэлэтин түмүктүү «Сунтаар улууһун Олох-дьаһах коммунальнай хаһаайыс­тыбатын бастыҥ үлэһитэ» диэн ааттаах улуустааҕы күрэх буолан ааста. Манна ОДьКХ 18 үлэһитэ кытынна. 


Кыттааччылар бэйэлэрин билиһиннэрэн баран, хас даҕаны түһүмэҕинэн идэлэринэн  таһымнарын, билиилэрин, сатабылларын тургуттулар. Холобур, теплотрасса задвижкатын бэриллибит бириэмэҕэ ыһан баран хос таҥнылар. Онтон чааһынай дьиэҕэ толору хааччыллыыны киллэрэргэ төһө матырыйаал ороскуоттанарын, хайдах тардылларын быра­йыактааһыыҥҥа күрэхтэстилэр.

Күрэхтэһээччилэр бары даҕаны бэйэлэрин үлэлэригэр бэриниилээх дьон буолан, бииртэн биир түһүмэҕи арыый даҕаны чэпчэкитик аастылар. Дьүүллүүр сүбэ быһаарыытынан Кириэстээх учаастагын маастара Н.Н.Максимов үһүс, иккис миэстэ Күүкэй маастара Р.А.Колесов буоллулар.

Онтон күрэх кыайыылааҕар А.А.Васильевка улуус баһылыгын бастакы солбуйааччыта Н.П.Александров 50 тыһ. солкуобай суумалаах сертификат туттарда.

Александр Васильев ОДьКХ-ҕа 2013 сылтан үлэлиир. Үһүс, алтыс, ахсыс уонна онус нүөмэрдээх Сунтаар улууһун саамай улахан хочуолунайдарын маастара, тэрилтэ биир тутаах үлэһитэ.

+1
0
+1
0
+1
0
+1
0
+1
0
+1
0
+1
0
28 марта 28.03
  • -12°
  • $ 92,59
  • 100,27

Сообщить об опечатке

Текст, который будет отправлен нашим редакторам: