Быйылгы 2017 сылга Сунтаар улууһугар үлэҕэ киириэхтээх тутуу олус элбэх. Улуус баһылыга Анатолий Григорьев, баһылык бастакы солбуйааччыта Николай Александров, тутуу комплексын управлениетын начаалынньыга Ариан Сергеев Бүлүүчээҥҥэ, Тойбохойго, Маар Күөлгэ, Уһун Күөлгэ эбийиэктэри кэрийэн көрдүлэр. Кэлин, өрүс турдаҕына Түбэй Дьаархаҥҥа оҕо саадын көрө тахсыахтара.
Бүлүүчээҥҥэ саҥа уларытан тутуллубут хочуолунайга сырыттылар. Аныгы ирдэбилгэ эппиэттэһэр гына оҥоһуллубут. Ол курдук, үлэһиттэр сынньанар, суунар-соттор хосторо баар, эбии икки оһох туруоруллубут. Салайааччы кабинетын, автоматизациятын ис үлэтэ оҥоһуллара хаалан турар. Бу хочуолунай нэһилиэк бары тэрилтэлэрин сылытарын ааһан, чааһынай ыаллары эмиэ хааччыйан олорор.
Салгыы эдэр исписэлиистэр киириэхтээх түөрт кыбартыыралаах уопсайы баран көрдүлэр. Бу эбийиэк эмиэ сүрүн үлэтэ бүппүт, ис үлэ хаалбыт. Анатолий Васильевич манна тутуу бэдэрээччигин септик, ититии систиэмэтин турбаларын көннөрөргө, септик люгун оҥорорго сорудахтаата.
Тойбохойго култуура киинэ бу сылга үлэҕэ киирээри турар. Тутааччылар үлэлэрин баһылаабыттара, эппиэтинэстээхтик сыһыаннаһаллара көстөр. Сотору тойбохойдор бибилэтиэкэлээх, спортивнай саалалаах, киэҥ-куоҥ култуура киинин үөрүүлээх быһыыга аһыахтара.
Бу кэннэ хамыыһыйа Маар Күөлгэ оскуоланы баран көрдө. Былаан быһыытынан балаҕан ыйын 1 күнүгэр оҕолору көрсүөхтээх саҥа оскуола, хомойуох иһин, үлэҕэ киирэ илик. Бэдэрээччик матырыйаалын кэмигэр аҕалбакка, сэтинньи тымныытыгар ититиитэ суох эбийиэккэ үлэһиттэр кылаастар ааннарын олордо сылдьаллар.
Федеральнай бырагыраама чэрчитинэн сыл аайы өрөспүүбүлүкэҕэ 10 саҥа оскуола тутуллан үлэҕэ киириэхтээх. 2017 сыл былааныгар Маар Күөл 60 миэстэлээх оскуолата бу испииһэккэ онуһунан киирэ сылдьар. Өскөтүн бу эбийиэк сыл бүтүөр диэри үлэҕэ киирбэт түгэнигэр, эһиил үбүлээһин көрүллүбэт кутталлаах.
Былаан быһыытынан, эһиил Уһун Күөлгэ оскуола үлэҕэ киириэхтээх. Оскуола икки мэндиэмэннээх «хоруопката» бүппүт, тутуу бэдэрээччигэ Алексей Потапов сарайыгар киирээри сылдьабыт диэн үлэтин хаамыытын сырдатар. Бу оскуола бырайыага 80 миэстэлээх, улуус баһылыга Анатолий Васильевич бу эбийиэги федеральнай реестргэ киллэрэргэ үлэ барар диир. Маныаха, бу реестргэ киллэрэргэ оскуола 100-тэн тахса миэстэлээх буолуохтаах. Онон, бырайыагы 100 миэстэлээх гына уларытан оҥорорго үлэлэр ыытыллаллар.
Будьте готовы к неожиданному повороту в деловой или официальной сфере, который потребует собранности
В Якутске ожидается небольшой снег, возможен туман
От Кобяйского улуса выступили Алексей Уваровский, Яков Дмитриев и Артём Дьяконов
Чем запомнилась уходящая неделя в Якутии — в обзоре ЯСИА
В стенах представительства ДНР состоялась торжественная встреча, посвященная подведению итогов совместной работы в 2025 году
Роспотребнадзор назвал мандарины кладовой здоровья