Тимофей Сметанин аатынан Кэбээйи народнай театра “Лоокуут уонна Ньургуһун” лирическэй драманы Чурапчы сценатыгар туруорда. Сонун туруорууну театр артыыстара суруйааччы быйыл төрөөбүтэ 100 сылыгар анаан бэлэмнээбиттэр.
Испэктээк саҕаланыан иннинэ эдэр артыыстар П. Решетников аатынан Чурапчытааҕы народнай театр режиссердара И.И. Бушковы, С.К. Тарасовы, улуус култуураҕа управлениетын начальнига Д.Д. Попову уонна театр артыыстарын кытары көрсөн ирэ-хоро сэһэргэстилэр.
Шекспир айымньытыгар холоонноох лирическэй драманы театр саҥа режиссера Леонид Емельянов туруорда. Режиссер артыыстар састааптарын уларытан, кулун тутартан саҕалаан, Чурапчы уонна Кэбээйи доҕордуу сыһыаннаһыыларыгар анаан испэктээги көрөөччү дьүүлүгэр таһаарда.
Бу туруорууга театр урукку артыыстара ону сэргэ сыанаҕа аан бастаан тахсыбыт эдэр оҕолор уобарастары итэҕэтиилээхтик арыйдылар. Ньургуһун оруолугар Аксинья Сыроватская, оттон Лоокууту быйыл аан бастаан дебюттуур Дьулустаан Табунанов олус бэркэ оонньоотулар.
Көрөөччүлэр эдэр артыыстар оонньуулларын олус сэргээтилэр.
В забеге приняли участие 800 человек, в том числе дети
Выпуск с 17-летним якутянином покажут 14 сентября в эфире НТВ
На утро субботы в лесах республики действуют пять возгораний
В субботу, 13 сентября, тепло запускают в дома Жатая и Нерюнгринского района
В Якутске прошла кросс-вузовская экспертиза института
В Минтруде Якутии рассказали о мерах поддержки многодетных семей