В.В.Путин биллэрбит Көҥүл өттүнэн көмөлөһөөччү сылын чэрчитинэн, Орто Халыма улууһугар бу сыл олунньу 5 күнүттэн саҕалаан сыл бүтүөр диэри хас биирдии ый 5-с күнүн эдэр ыччакка туһаайан, “Республика добра” акция күннэринэн биллэрдилэр.
Акция чэрчитинэн, Сыбаатайга Марта Сергеева салайааччылаах “Эрэл” ыччат түмсүүтэ аҕам саастаах дьоҥҥо көмө субуотунньукка таҕыста. Бу акцияҕа Бэтэрээннэр сэбиэттэрин бэрэссэдээтэлэ Надежда Николаевна Гоголева көҕүлээһининэн, 50-тан үөһээ саастаах аҕа көлүөнэ эдэр ыччакка көмө буолан, көхтөөхтүк кытынна.
Нэһилиэк дьаһалтатын баһылыга Иннокентий Дмитриевич Колесов “Республика добра” акция эстафетата саҕаламмытынан эҕэрдэлээн тыл эттэ. Эдэр ыччакка аҕа саастаах көлүөнэ холобур буолан көмөҕө тахсыбыта кэрэхсэбиллээҕин, махталлааҕын бэлиэтээн туран, бэтэрээннэр уонна ыччат түмсүүлэрин салайааччыларыгар Н.Н.Гоголеваҕа, М.Д.Сергееваҕа дьаһалта аатыттан махталын биллэрдэ.
Эдэрдэр, былаан быһыытынан, хаар күрдьүүтүгэр, бэтэрээннэр муус ылыытыгар бардылар.
Нэһилиэкпит эдэр ыччата үлэ, тыыл бэтэрээнэ А.И.Шариҥҥа уонна соҕотох олорор үлэ бэтэрээнэ Д.Н.Колесоваҕа хаар күрдьэн, таһан, улахан көмө оҥордулар. Аҕа көлүөнэ 11 буранынан 2 тэрилтэҕэ (бэкээринэҕэ, балыыһаҕа) уонна 19 ыалга, ол иһигэр тыыл бэтэрээннэригэр, инбэлииттэргэ, соҕотох олорор аҕа саастаах дьоҥҥо муус тиэйдилэр.
Киэһэтин субуотунньук кыттыылаахтара “Лойут” спортивнай саалаҕа түмсэн, волейбол оонньоон, дуоһуйа сынньанан тарҕастылар.
На концерте «Народный праздник» якутянка исполнила композицию «В мире Олонхо»
Сборная Якутии в финале победила спортсменов Бурятии со счетом 6:3
Книгу издали к 75-летию призера Олимпийских игр 1976 года в Монреале
Прямого запрета на курение на балконе нет, но все же способы повлиять на это есть
К чему стоит подготовиться знакам зодиака в понедельник? Смотрим наш гороскоп
Обзор запомнившихся событий уходящей недели