Евгений Михайлович Слепцов улуус баһылыгын дуоһунаһын ылынар сиэрэ-туома балаҕан ыйын 15 күнүгэр ыытылынна. «Кулума» култуурунай-сынньалаҥ киинигэр салайааччы мэктиэ тылын биэрдэ.
Муниципальнай тэриллии быыбардыыр хамыыһыйатын бэрэссэдээтэлэ Владимир Николаевич Токарев быыбар түмүгүн иһитиннэрдэ, итиэннэ Евгений Михайловичка «Орто Халыма улууһа (оройуона)» муниципальнай тэриллии баһылыгынан талыллыбытын туһунан дастабырыанньаны туттарда.
Санатан эттэххэ, улуус баһылыгар 4 кандидат турбутуттан, 10 сыл устата улууһу салайан кэлбит Евгений Михайлович 2306 куолаһы ылан, эрэллээхтик үһүс болдьоххо хаалла.
Улуус депутаттарын Сэбиэтин бэрэссэдээтэлэ Пантелеймон Иванович Сыроватскай улуус баһылыгын туоһулуур бэлиэни Евгений Слепцов түөһүгэр кэтэртэ.
Евгений Михайлович нэһилиэнньэ иннигэр мэктиэ тылын нууччалыы уонна сахалыы эттэ. «Баһылык эбээһинэһин үтүө суобастаахтык толоруом, устаабы тутуһуом, улуус бар дьонун интэриэһин көмүскүөм, киһи уонна гражданин быраабын ытыктыам», — диэн андаҕайда.
Саха Өрөспүүбүлүкэтин Ил Дарханын Егор Афанасьевич Борисов эҕэрдэ тылын үлэтинэн кэлэ сылдьар СӨ Доруобуйаҕа харыстабылын миниистирэ Михаил Егорович Охлопков тириэртэ. Кини Евгений Михайлович дьыалаҕа эппиэтинэстээх сыһыана, мунньуллубут уопута норуот үрдүк эрэлин бигэргэтиэ диэтэ, итиэннэ быыбар иннинээҕи бырагыраамата туоларыгар баҕарда.
Үөрүүлээх түгэҥҥэ улуус Сэбиэтин I-кы, II-с ыҥырыыларын депутата, Орто Халыма улууһун бочуоттаах олохтооҕо Василий Алексеевич Слепцов уонна II-с Мээтис нэһилиэгин баһылыга Иннокентий Дмитриевич Колесов эҕэрдэҕэ кыттыстылар, улуус баһылыгар үлэтигэр ситиһиини баҕардылар.
Не поддавайтесь вялости и апатии
Подборка новостей за четверг
Из них 31 километр приведут в нормативное состояние по нацпроекту «Безопасные качественные дороги»
Единый знак чемпиона был учрежден международным комитетом «Дети Азии» в 2023 году
В 2024 году инспектирование проводится с 22 апреля по 105 объектам
В парке обновят прогулочные зоны, скамейки и опоры освещения