Орто Халыма улууһун киинигэр улуус киинигэр “Сыл бастыҥ учуутала — 2018” өрөспүүбүлүкэтээҕи куонкурус муниципальнай түһүмэҕэ ыытылынна. Уопсайа 12 кыттааччыттан, финалга 6 учуутал тахсан тургутууну ааста.
«Сыл бастыҥ учуутала — 2018» куонкурус муҥутуур кыайыылааҕынан Г.Г.Софронов аатынан Өлөөкө Күөллээҕи агрофермерскэй хайысхалаах орто оскуола омук тылын учуутала Гаврил Антонович Винокуров таҕыста. Хатыҥнаах орто оскуолатын биологияҕа уонна химияҕа учуутала Мария Иннокентьевна Гуляева I-кы истиэпэннээх лауреат буолла. С.Н.Горохов аатынан Ойуһардаах орто оскуолатын нуучча тылыгар уонна литературатыгар учуутала Вероника Павловна Захарова II-с истиэпэннээх лауреат буолары ситистэ. Оттон Эбээх орто оскуолатын алын кылааһын учуутала Марианна Дмитриевна Гуляева III-c истиэпэннээх лауреат аатын сүктэ.
Санатан эттэххэ, педагогтар кэтэхтэн “Интернет ресурс”, “Методический семинар” сорудахтары толорбуттара. Салгыы улуус киинигэр киирэн, “Аһаҕас уруок” ыыппыттара. Бу үс түһүмэх түмүгүнэн финалга, ол эбэтэр 2-с туурга, кимнээх киирбиттэрэ быһаарыллыбыта. Ааспыт кыттааччылар салгыы “Маастар кылаас”, “Педагогический совет”, “Образовательный проект” уонна “Учитель лидер” түһүмэхтэри ааспыттара.
Куонкурус чэрчитинэн анал номинация олохтоммута. Ол курдук “Учитель-наставник” номинация Налимскай орто оскуолатын биологияҕа уонна химияҕа учуутала Иннокентий Иннокентьевич Винокуровка тигистэ.
Учууталлары тэҥинэн оҕо саадын иитээччилэрин ортолоругар “Сыл бастыҥ иитээччитэ — 2018” куонкурус эмиэ буолла. Кэтэхтэн куонкурус түмүгүнэн 8 финалист улуус киинигэр киирэн бэйэтин үлэтин, маастарыстыбатын көрдөрдө. Ол түмүгэр I-кы истиэпэннээх лауреатынан Орто Халыматааҕы “Сказка” оҕо сайдар киинин иитээччитэ Екатерина Александровна Жиркова, II-с истиэпэннээх лауреатынан Өлөөкө Күөллээҕи “Туллукчаана” оҕо саадын иитээччитэ Мария Ивановна Суханова, III-c истиэпэннээх лауреат аатын Хатыҥнаахтааҕы “Чэчир” оҕо саадын иитээччитэ Людмила Николаевна Лаптева ылары ситистэ.
Маны таһынан номинациялар олохтоммуттара. Ол курдук “Көрөөччү биһирэбилэ” номинация хаһаайкатынан “Чэчир” оҕо саадын иитээччитэ Людмила Николаевна Лаптева буолла. “Методическая находка” номинация кыайыылааҕынан Арҕахтаахтааҕы “Чуораанчык” оҕо саадын иитээччитэ Антонина Афанасьевна Гуляева буолары ситистэ. “Опыт и мастерство” номинация Ойуһардаахтааҕы “Ладушка” оҕо саадын иитээччитэ Дарья Михайловна Оконешниковаҕа тигистэ. “Дебют года” номинация Орто Халыматааҕы “Колокольчик” оҕо саадын иитээччитэ Елизавета Петровна Созоноваҕа ананна. “Бастыҥ портфолио” номинация Орто Халыматааҕы “Саһарҕа” оҕо саадын иитээччитэ Майя Константиновна Созоноваҕа тигистэ.
Комитет ГД одобрил проект о запрете выгула собак опасных пород детьми до 16 лет
Торжественное открытие слета пройдет вечером 18 сентября, где представят многообразие культур и традиций народов России
За 8 месяцев 2025 года выдано всего 5 разрешительных документов, что в 4,5 раза меньше…
Мероприятия, посвященные 80-летию Победы, объединили Якутию, Амурскую область, Китай и Монголию
В программе конференции – пленарное заседание, работа тематических секций, круглый стол с участием родителей и…
Для посетителей будет подготовлено интерактивная часть с мастер-классами, где каждый сможет попробовать себя в разных…