Саха Өрөспүүбүлүкэтигэр бэтэрээн Сэбиэтэ тэриллибитэ 30 сылын чэрчитинэн Нам улууһун бэтэрээннэрин Сэбиэтин көҕүлээһининэн нэһилиэктэртэн аҕам саастаахтар мустаннар тыа хаһаайыстыбатын салаатынан саҥа тутуллубут объектары сөҕө-махтайа көрдүлэр.
Нам улууһун бэтэрээннэрин Сэбиэтин кыттыылаахтара эдэр сылдьан оскуола-производства-үрдүк үөрэх хайысхатынан тыа хаһаайыстыбатын сайдарын туһугар сопхуоска хара илиилэринэн көдьүүстээхтик, хорутуулаахтык үлэлээбит ытык кырдьаҕастар буолаллар.
Билигин эдэрдэр саҥа саҕалааччы, дьиэ кэргэнинэн фермер граннарыгар кыттан, үбүлэнэн, аныгы технологиянан объектары тутталлар. Бэтэрээннэр Партизан нэһилиэгэр тэриллибит агрокластерга Е.П. Илларионова аатынан «Баишев П.А.» ИП ГКФХ дьиэ кэргэн ферматыгар, Никольскайга «Эрэл» ТХПК сүөһү астыыр сыаҕар, оҕуруот аһын харайар дьиэҕэ, «Сэргэ» бааһынай хаһаайыстыба (ИП Герасимов В.А.) хотонугар сырыттылар. Манна сылдьар кэмҥэ улуус баһылыгын тыа хаһаайыстыбатыгар уонна предпринимательствоҕа солбуйааччы Ефим Гоголев ыытыллыбыт үлэлэри, инники сайдыыны, хаһаайыстыбалар үлэлэрин туһунан кэпсээтэ. Онтон Никольскайдааҕы И.С. Шарапов аатынан сири оҥоруу музейыгар сырыттылар. Музей коллектива аҕа саастаах дьону олус истиҥник көрүстэ.
Бу тэрээһиҥҥэ «Нам улууһа» МТ баһылыга Александр Атласов, «Кыайыы» Саха сиринээҕи государственнай бюджетнай тэрилтэ салайааччыта Галина Лебедева, Өрөспүүбүлүкэтээҕи бэтэрээн Сэбиэтин специалиһа Агафия Уарова, ИДьМ бэтэрээннэрин Сэбиэтин председателэ Василий Местников кыттыыны ыллылар.
Өр сылларга нэһилиэк бэтэрээннэрин Сэбитин председателинэн үлээбит, улуус, нэһилиэк олоҕор актыыбынайдак кыттар бэтэрээннэргэ улуус, өрөспүүбүлүкэ дьаһалталарын аатыттан махтал суруктары, анал бэлиэлэри туттартаатылар.
Учащаяся СВФУ имени М.К. Аммосова будет получать ежемесячную именную стипендию Владимира Потанина до окончания обучения
Фрагменты героического эпоса о богатыре Иркисмэ прозвучали на девяти языках
В рамках обучения были проведены профильные занятия, лекции, мастер-классы преподавателей ведущих вузов России
Также мошенники на фоне праздничной суеты перед 8 Марта активизировали схему с ложной доставкой цветов
Руководитель фракции ЛДПР в Ил Тумэне прокомментировал внесение Иванова в реестр иноагентов
За право называться лучшим боролись шесть участников – студенты центра и учащиеся Жиганской средней школы