Нам улууһун баһылыга Александр Атласов дьаһалынан, алтынньы 1 күнүттэн 10 күнүгэр диэри улууска кырдьаҕастарга аналлаах декада тэриллэн түмүктэннэ. Улуус бэтэрээннэрин Сэбиэтин көҕүлээһининэн, баһылык кыттыылаах төгүрүк остуол буолан ааста.
Төгүрүк остуолга нэһилиэктэр бэтэрээннэрин Сэбиэттэрин председателлэрэ, «Ытык сүбэ» түмсүү чилиэннэрэ баһылыгы кытта санааларын үллэһиннилэр, ирэ-хоро кэпсэттилэр. Александр Павлович улууска ыытыллар үлэлэри, былааннары билиһиннэрдэ. Онтон кэпсэтиигэ киирэн санааларын, көрүүлэрин эттилэр, хайдах үлэлии сылдьалларын сырдаттылар. Ол курдук, «Сэрии кэмин оҕолоро» диэн анал ааты иҥэриини, улуус киинигэр баар Ленин болуоссатын тупсарыыны, Максим Кирович Аммосов үлэлээбит сиригэр Казахстаҥҥа 1977 сыллаахха баран кэлбит «Урал» мотоциклы Гражданскай сэрии кыттыылаахтарын өйөдөбүнньүгэр туруорары, Октябрьскай революция 100 сылын үрдүк тэрээһиннээхтик бэлиэтиири, «Доҕордоһуу» болуоссатыгар «Үлэ албан аата» аллеяны оҥорууну наадалааҕынан ааҕалларын биллэрдилэр.
«Декада чэрчитинэн тэрилтэлэр, нэһилиэктэр бэтэрээннэрин чиэстиир сынньалаҥы тэрийдилэр, өйдөбүнньүк бэлиэлэри туттартаатылар. Оскуолаларга үөрүүлээх быһыыга-майгыга бэтэрээн учууталлар кыттыылаах линейка, кылаас чааһа ыыттылар. Улууска уопсайа 23 кэнсиэр көрдөрдүлэр, икки бэтэрээн айар үлэтин абылаҥын көрдөрөр быыстапката турда. Е.П. Сивцев аатынан 2-Хомустаах орто оскуолата «Эбэлэргэ. эһэлэргэ анаан букет» диэн акция тэрийэн ыыттылар, нэһилиэк оскуолаларын үөрэнээччилэрэ кырдьаҕастарга «Тимуровскай» үлэҕэ сырыттылар. Оройуоннааҕы киин балыыһа мобильнай бригадата 223 кырдьаҕаска дьиэлэригэр тиийэн доруобуйаларын туругун көрдүлэр, ол түмүгүнэн 10 бэтэрээҥҥэ доруобуйаларын көрдөрүнэллэригэр туһаайыы биэрдилэр, маны таһынан балыыһа, социальнай харалта, пенсионнай фонда управлениелара аһаҕас аан тэрийдилэр. Социальнай харалта управлениета фермерскэй, бааһынай хаһаайыстыбалары кытта үлэлэһэннэр, соҕотох олорор бэтэрээннэргэ оҕуруот аһа биэрэннэр санааларын көтөхтүлэр. Култуура уонна духуобунас сайдыытын управлениетын тэрийиитинэн декада кэмигэр «Сардаҥа» кинотеатрга уонна кыраайы үөрэтэр музейга босхо сырыттылар, киин баанньыкка тыыл бэтэрээннэрэ чэпчэтиилээх өҥөнөн туһаннылар. Дьокуускайга ыытыллыбыт «Активное долголетие – новое качество жизни» диэн форумҥа улуустан 20 бэтэрээн баран көхтөөх кыттыыны ылла» — диэн улуус бэтэрээннэрин Сэбиэтин председателэ Софья Дмитриевна Кобякова кэпсээтэ.
Штаб оказывает различные виды помощи участникам СВО — доставляет гуманитарный груз и адресные посылки
Читаем и настраиваемся на позитивный день
Второе место заняли верхневилюйцы
В доме дружбы народов им. А. Е. Кулаковского состоялся III Республиканский "ЭтноМедиаФорум", на котором прошла…
Участниками этого сложного похода стали преимущественно женщины
В историческом парке идет создание обширной экспозиции, посвященной специальной военной операции и её героям