Өрөспүүбүлүкэҕэ, улуустарга бу күннэргэ «За достойный труд» диэн Бүтүн Россиятааҕы профсоюзнай акция буолан ааста. Нам улууһун дьаһалтата 2016-2018 сылларга профсоюзтар икки ардыларынааҕы сүрүннүүр Сэбиэти уонна үлэнэн хааччыйааччылар түмсүүлэрин кытта Сөбүлэҥ сурук түһэрсибиттэрэ.
Нам улууһун дьаһалтатын мунньахтыыр саалатыгар үс өрүттээх Сөбүлэҥ сурук чэрчитинэн хамыыһыйа мунньаҕа буолан ааста.
Мунньахха улуустааҕы үөрэх, доруобуйа харыстабылын, култуура, тыа хаһаайыстыбатын, дьаһалталар салааларын профсоюзтарын председателлэрэ, өрөспүүбүлүкэҕэ Ыччат сыла биллэриллэн эдэр үлэһиттэр активистара кыттыыны ыллылар. Хас биирдии председатель бэйэтин хайысхатыгар ыытар үлэтин, сүрүн кыһалҕаларын билиһиннэрдэ.
Кыһалҕалар ханна да буоларын курдук биир тэҥ буоллулар. Үөрэҕин саҥа бүтэрбит эдэр киһи хамнаһа намыһаҕын, нэһилиэктэргэ эдэр специалистарга анаан дьиэ-уот суох буолан наймылаһан олороллоро, аутсорсинг систиэмэтэ киирэн күчүмэҕэйдэри таһаарыан сөбүн, анал таҥас-сап бэриллэн испэтин бэлиэтээтилэр, коллективнай дуогабардарын пуунун туолуутун билиһиннэрдилэр.
Тэрилтэлэргэ эдэр үлэһиттэри түмэргэ, сомоҕолуурга, үлэни тупсарарга лиидэрдэр талыллан үлэлэрин саҕалаабыттар. Онон сиэттэрэн хайысхаларынан ыччат профсоюһун сүрүннүүр Сэбиэтин тэрийиэххэ диэн этии киирбитин ылыннылар.
Нэһилиэктэргэ специалистарга анаан дьиэлэри тутан каадырдары олохсутарга, хамнас үрдүүрүн туруорсуохха, уһаайба ылалларыгар, дьиэ тутталларыгар быраһыана суох кредиттэри биэрэллэрин тэрийиэххэ, анал программаларга кытыннарыахха диэн этиилэри киллэрдилэр.
Не поддавайтесь вялости и апатии
Подборка новостей за четверг
Из них 31 километр приведут в нормативное состояние по нацпроекту «Безопасные качественные дороги»
Единый знак чемпиона был учрежден международным комитетом «Дети Азии» в 2023 году
В 2024 году инспектирование проводится с 22 апреля по 105 объектам
В парке обновят прогулочные зоны, скамейки и опоры освещения