Бу соторутааҕыта сахалартан бастакы ССРС народнай артыыһа, Саха сиригэр театральнай искусство сайдарыгар олук уурбут Дмитрий Ходулов аатынан Майатааҕы народнай театрыгар улуустааҕы киин балыыһа иһинэн тэриллибит драмколлектив 35 сылыгар аналлаах тэрээһин үрдүк таһымнаахтык ыытылынна.
35 сыл анараа өттүгэр улуустааҕы киин балыыһа драмкэлэктиибин төрүттээбит киһинэн буолар Василий Прокопьевич Петров. Билигин түмсүүнү иилээн-саҕалаан илдьэ сылдьар Зоя Егоровна Москвина.
Мэҥэ Хаҥалас улууһугар сыл ахсын култуура эстафетата ыытыллар буолан, бөлөх сценаҕа оонньуур маастарыстыбата үрдээн иһэр. Араас таһымнаах бэстибээллэргэ, күрэхтэргэ ситиһиилээхтик кытталлар. Сүрүн артыыстарынан Александра Петровна Борисова, Пелагея Ивановна Кулаковская, Дмитрий Дмитриевич Титов, Марина Афанасьевна Потапова, Руслан Русланович Федоров, Мария Федосьевна Захарова, Александра Степановна Рожина, Егор Егорович Петров, Иннокентий Дмитриевич Антипин, Анастасия Васильевна Хван, Аида Игнатьевна Петрова, Наталья Григорьевна Спиридонова уо.д.а. Артыыстар Иван Гоголев-Кындыл «Наара суох», Степан Ефремов «Лэкиэс», Платон Ойуунускай «Ыраахтааҕы ыйааҕа», Суорун Омоллоон «Сайсары» драматыттан быһа тардан көрдөрдүлэр.
Маны таһынан артыыстар уобарастарыгар киирэн көрдөөх-нардаах сценкалары көрөөччүлэргэ бэлэхтээтилэр. Театр үлэтэ дьону хамсатар, сайыннарар, өйүн-санаатын сырдатар, сааһылыыр сүдү күүстээх. Ону балыыһа кэлэктиибэ, төһө да ыарахан үлэлээх буоллар, барытын бииргэ тутан, былааннаан, салайан олорор.
Наибольшее количество обращений поступило по назначению мер социальной поддержки
Звёзды советуют отпустить обиды и поблагодарить уходящий год за все уроки
Якутия вошла в число пяти лучших регионов страны по уровню газификации
В регионе продолжается работа по содействию в трудоустройстве участников СВО и членов их семей в…
Erid: 2SDnjequ5UU Банк ВТБ обновил офис на Дзержинского: теперь он оформлен в ярких тонах, общение…
Ветеранам тыла вручили праздничные продуктовые наборы и сладкие подарки