Малдьаҕарга 2 этээстээх саҥа таас оҕо уһуйаанын дьиэтин үөрүүлээх аһыллыытын тэрээһинэ олунньу 16 күнүгэр ыытылынна. Нэһилиэк олохтоохторо уонна ыраахтан-чугастан кэлбит ыалдьыттар кытыннылар. Сахалыы сиэри-туому норуот талааннааҕа А.И.Игнатьева ситэрдэ.
Малдьаҕарга уһуйаан дьиэтэ «Мин Сахам сирэ-21 үйэҕэ» өрөспүүбүлүкэтээҕи Үтүө дьыала хамсааһынын чэрчитинэн тутулунна. Үбүлээһинин сороҕун өрөспүүбүлүкэ уонна улуус уйуннулар. Тыа сиригэр өрөспүүбүлүкэҕэ 500 киһилээх нэһилиэккэ маннык тупсаҕай, киэҥ-куоҥ уонна сырдык таас уһуйаан бастакы дьиэтэ буолар. Кырачааннар оҕо саастарын толору ис хоһоонноохтук уонна дьоллоохтук атааралларыгар, үлэһиттэр айымньылаах үлэлэрэ өссө күүһүрэригэр улахан олук уурулунна.
Аалай лиэнтэни улуус баһылыга А.М.Иннокентьев, нэһилиэк баһылыга Н.А.Иванов, «Строй-импульс» ХЭТ гендириэктэрэ А.Н.Мегежекскэй, «Роспроект» тэрилтэ салайааччыта А.Я.Софронов, «Чуораанчык» уһуйаан дириэктэрэ Т.В.Иванова быһа кырыйдылар.
Иһирдьэ киирэн хостору кэрийэн көрөн-истэн билсии кэнниттэн, саалаҕа үөрүүлээх тэрээһин салҕанна. Эҕэрдэ тылы нэһилиэк баһылыга Н.А.Иванов, улуус баһылыга А.М.Иннокентьев, ИСУ салайааччыта М.С.Семенов, улуустааҕы үөрэх управлениетын салайааччыта А.П.Аргунова, Ил Түмэн дьокутаата М.С.Габышев, «Роспроект» салайааччыта А.Я.Софронов, СӨ остуол тенниһин Федерациятын толорооччу дириэктэрэ Л.Н.Михайлов, «Строй-импульс» ХЭТ дириэктэрэ А.Н.Мегежекскэй уонна уһуйаан дириэктэрэ Т.В.Иванова эттилэр.
Уһуйаан дьиэтин тутуутугар туруорсубут, көмөнү оҥорбут салайааччыларга, тыа сиригэр олус үчүгэй оҥоһуулаах, ситэри-хотору тутуулаах уһуйаан дьиэтин тутан дьэндьэтэн таһаарбыт тутааччыларга истиҥ-иһирэх махтал тыллара ананнылар. Элбэх бэлэх-туһах туттарылынна, үлэһиттэр чиэстэнэн наҕараадаларын туттулар. Тэрээһини араас эҕэрдэ нүөмэрдэр киэргэттилэр. Бу кэнниттэн үөрүүлээх тэрээһин спорт саалатыгар салҕанна.
Весь день звезды будут склонять к активным, энергичным действиям
Александр Дегтяренко выступал в составе сборной команды ДФО
Школьники соревновались в различных жанрах и направлениях креативной индустрии
Страстная седмица предшествует Пасхе, которая будт отмечаться 5 мая
К Пасхе, которая будет отмечаться 5 мая, на Якутском хлебокомбинате будут выпекать куличи, пряники и…
В число лучших тружеников вошел начальник Таттинского территориального узла связи компании «АрктикТелеком»