Уус Алдан улууһун “Мүрү саһарҕата” редакция коллектива улуус хаһыатыгар кэлэр сыл бастакы аҥаарыгар сурутуу хампаанньатын ыытар былаанын чэрчитинэн, сэтинньи 30 күнүгэр биир кытыы эрээри, элбэх нэһилиэнньэлээх ахсааныгар киирэр Курбуһах нэһилиэгэр ыалдьыттаата.
Айар үлэһиттэр Н.Н.Окоемов аатынан орто оскуола үрдүкү кылаастарын үөрэнээччилэрин, Курбуһахтааҕы интернат-дьиэ олохтоохторун уонна нэһилиэк общественноһын кытта көрүстүлэр. Нэһилиэк дьаһалтатын баһылыга Владимир Петров, энтузиаст, кыраайы үөрэтээччи, учуутал Павел Окоемов, оскуола директора Николай Гуляев, интернат-дьиэ директора Василий Аммосов өйөбүллэринэн, “Хаһыат күнэ” тэрээһин сыалын-соругун ситтэ, олохтоохтору кытта бэрт истиҥ кэпсэтиилэр таҕыстылар.
Бу тэрээһин түмүгүнэн журналистар баай историялаах, үлэһит дьонноох Курбуһах нэһилиэгин бүгүҥҥү олоҕун сырдатар улахан матырыйаалы бэлэмнээн, кэлэр нэдиэлэҕэ улуус хаһыатыгар таһаарыахтара.
Билиһиннэрэн эттэххэ, “Мүрү саһарҕата” хаһыат редакцията сурутууга альтернативнай көрүҥү киллэрбитэ үһүс сыла буолла. Улуус киинигэр Бороҕоҥҥо бу көрүҥүнэн сурутааччылар айар-полиграфическай холбоһук дьиэтиттэн хаһыаттарын бэйэлэрэ кэлэн ылар эбит буоллахтарына, нэһилиэктэргэ хаһыаты тириэрдии олус уустук. Ол да буоллар, чопчу бу нэһилиэккэ дьаһалта баһылыгын өйөбүлүнэн сурутуу билиҥҥи көрүҥэ толору үлэлииригэр олук уурулунна – Владимир Петров хаһыаты тириэрдиини тус бэйэтигэр ылынна.
Среди женщин доля тех, кто однозначно считает себя счастливым, выше, чем среди мужчин
Минкультуры России завершило предварительный отбор субъектов, претендующих на получение федеральных субсидий
Финал турнира завершился напряженной битвой между курсантами из Якутии и Тюменской области
Урок приурочен к 30-летию со дня подписания исторического указа «О проведении «Игр Дети Азии»
Красивый номер можно купить вместе с автомобилем
Объекты теплоснабжения функционируют в штатном режиме, без ограничений и технологических нарушений