Үөһээ Бүлүү улууһугар Кэнтик нэһилиэгэ күнтэн-күн, сылтан-сыл тупса-сайда, чэчирии турар. Тыа сирин сайдыытыгар туһуламмыт, олохтоохтор көҕүлээһиннэринэн тутуллар бырайыактарга грант туттарыыта бу күннэргэ Дьокуускай куоракка түмүктэннэ. Кэнтик нэһилиэгин «Фонтаннаах көлүөнэлэр сквердара» граны ылла.
Тыа сирин олохтоохторун көҕүлээһиннэрин өйүүр сыаллаах бырагыраама чэрчитинэн аҕыс муниципальнай тэрилтэ дьаһалтатыттан 10 бырайыак көмүскэннэ.
Кэнтик нэһилиэгин баһылыга Валерий Николаев иһитиннэрбитинэн, бу кинилэр үһүс граннарын ылбыттар. «Бастакы гранынан «Бэтэрээннэргэ аналлаах өйдөбүнньүк скверэ» туппуппут, бу сквербит 2015 сыллаахха Москва куоракка «Көмүс күһүн» агропромышленнай быыстапкаҕа кыттан, кыһыл көмүс мэтээли ылбыта. Иккис гранынан тутуллубут «Гармония» оҕо оонньуур площадката 2016 сыл Саха Өрөспүүбүлүкэтигэр нэһилиэнньэлээх пууннары тупсарыы сылыгар «Бастыҥ оҕо оонньуур площадката» анал ааты туппута. Онон, үһүс бырайыакпыт — фонтаннаах сквербит — эмиэ ситиһиилээх буолуо диэн эрэнэбит», — диэн санаатын кини үллэһиннэ.
Бэлиэтээн эттэххэ, граннары ылбыт дьаһалталар спорт, оҕо площадкаларын, храм-часовняны, сэрии бэтэрээннэригэр, ийэҕэ өйдөбүнньүк сквердары о.д.а. тутуохтара.
Всего за пять тысяч рублей специалисты смогут арендовать уютную студию с мебелью
Управляющий директор компании Евгений Малыхин рассказал о проделанной за год работе и грандиозных перспективах
Звезды располагают к отдыху, общению с близкими, а также к творчеству и саморазвитию
По данным полиции, местный житель действовал из хулиганских побуждений
Глава государства сообщил об этом на заседании Госсовета по вопросам подготовки кадров для экономики РФ
Ветеранам труда в Якутии полагаются дополнительные денежные выплаты и социальные меры защиты