Үөһээ Бүлүү улууһугар Кэнтик нэһилиэгэ күнтэн-күн, сылтан-сыл тупса-сайда, чэчирии турар. Тыа сирин сайдыытыгар туһуламмыт, олохтоохтор көҕүлээһиннэринэн тутуллар бырайыактарга грант туттарыыта бу күннэргэ Дьокуускай куоракка түмүктэннэ. Кэнтик нэһилиэгин «Фонтаннаах көлүөнэлэр сквердара» граны ылла.
Тыа сирин олохтоохторун көҕүлээһиннэрин өйүүр сыаллаах бырагыраама чэрчитинэн аҕыс муниципальнай тэрилтэ дьаһалтатыттан 10 бырайыак көмүскэннэ.
Кэнтик нэһилиэгин баһылыга Валерий Николаев иһитиннэрбитинэн, бу кинилэр үһүс граннарын ылбыттар. «Бастакы гранынан «Бэтэрээннэргэ аналлаах өйдөбүнньүк скверэ» туппуппут, бу сквербит 2015 сыллаахха Москва куоракка «Көмүс күһүн» агропромышленнай быыстапкаҕа кыттан, кыһыл көмүс мэтээли ылбыта. Иккис гранынан тутуллубут «Гармония» оҕо оонньуур площадката 2016 сыл Саха Өрөспүүбүлүкэтигэр нэһилиэнньэлээх пууннары тупсарыы сылыгар «Бастыҥ оҕо оонньуур площадката» анал ааты туппута. Онон, үһүс бырайыакпыт — фонтаннаах сквербит — эмиэ ситиһиилээх буолуо диэн эрэнэбит», — диэн санаатын кини үллэһиннэ.
Бэлиэтээн эттэххэ, граннары ылбыт дьаһалталар спорт, оҕо площадкаларын, храм-часовняны, сэрии бэтэрээннэригэр, ийэҕэ өйдөбүнньүк сквердары о.д.а. тутуохтара.
На мероприятии рассмотрены ожидаемые итоги угледобывающей промышленности страны за 2025 год
Он планирует оказывать услуги участникам спецоперации и членам их семей на льготных условиях
Традиционной частью фестиваля стал именной поезд «Дальневосточный экспресс»
По республике в 2025 году уровень обеспеченности граждан спортивными сооружениями составил 62,1%
До конца декабря Фонд капремонта Якутии проводит прощеные дни
В ходе торжественного мероприятия состоялась церемония награждения