Үөһээ Бүлүү улууһугар Кэнтик нэһилиэгэ күнтэн-күн, сылтан-сыл тупса-сайда, чэчирии турар. Тыа сирин сайдыытыгар туһуламмыт, олохтоохтор көҕүлээһиннэринэн тутуллар бырайыактарга грант туттарыыта бу күннэргэ Дьокуускай куоракка түмүктэннэ. Кэнтик нэһилиэгин «Фонтаннаах көлүөнэлэр сквердара» граны ылла.
Тыа сирин олохтоохторун көҕүлээһиннэрин өйүүр сыаллаах бырагыраама чэрчитинэн аҕыс муниципальнай тэрилтэ дьаһалтатыттан 10 бырайыак көмүскэннэ.
Кэнтик нэһилиэгин баһылыга Валерий Николаев иһитиннэрбитинэн, бу кинилэр үһүс граннарын ылбыттар. «Бастакы гранынан «Бэтэрээннэргэ аналлаах өйдөбүнньүк скверэ» туппуппут, бу сквербит 2015 сыллаахха Москва куоракка «Көмүс күһүн» агропромышленнай быыстапкаҕа кыттан, кыһыл көмүс мэтээли ылбыта. Иккис гранынан тутуллубут «Гармония» оҕо оонньуур площадката 2016 сыл Саха Өрөспүүбүлүкэтигэр нэһилиэнньэлээх пууннары тупсарыы сылыгар «Бастыҥ оҕо оонньуур площадката» анал ааты туппута. Онон, үһүс бырайыакпыт — фонтаннаах сквербит — эмиэ ситиһиилээх буолуо диэн эрэнэбит», — диэн санаатын кини үллэһиннэ.
Бэлиэтээн эттэххэ, граннары ылбыт дьаһалталар спорт, оҕо площадкаларын, храм-часовняны, сэрии бэтэрээннэригэр, ийэҕэ өйдөбүнньүк сквердары о.д.а. тутуохтара.
Заседание состоялось под председательством президента России Владимира Путина
Награда вручается ежегодно 50 жителям региона за значительный трудовой вклад
Экономика Якутии демонстрирует устойчивость, несмотря на санкционное давление
В двух авариях пострадали по два человека, они госпитализированы
Указ от 25 декабря 2025 года
Министр строительства Якутии Виктор Романов в пятницу, 26 декабря, проведет прямой эфир на официальных страницах…