Кэбээйи улууһа төрүттэммитэ 80 сылын көрсө элбэх киһилээх делегация Чурапчыга кэлэн, «Кэбээйи улууһун күннэрин» дьаһалы таһымнаахтык ыытта. Ахсынньы 4 күнүгэр эбиэттэн киэһэ „Айылгы“ култуура уонна духуобунай сайдыы киинигэр үөрүүлээх чааһа ыытылынна.
Кэбээйи улууһун баһылыга И.Н. Спиридонов, Чурапчы улууһун баһылыга А.Т. Ноговицын уонна улуус баһылыгын бастакы солбуйааччыта А.А. Ноговицын икки улуустары ситимниир алгыстаах ситиини өрө ууннулар.
Улууспут баһылыга А.Т. Ноговицын көрсүһүү кыттыылаахтарын эҕэрдэлээн туран, кураан сылларга тыа хаһаайыстыбатыгар кэбээйилэр улахан көмөлөрүн иһин истиҥ махтал тылларын тиэртэ. Инникитин даҕаны сибээстэрин бөҕөргөтөн, бииргэ үлэлиир былааннаахтарын иһитиннэрдэ. Кэбээйи улууһун баһылыгар Махтал суругу уонна Чурапчы маастардара сылгы кылыттан, сиэлиттэн оҥорбут оҥоһуктарын бэлэхтээтэ.
«Кэбээйи балыга» ХЭТ дириэктэригэр Г.К. Лебедеваҕа Бочуотунай грамотаны уонна үрүҥ көмүс бэлиэни туттарда. «Ворошилов» крестьянскай-фермерскай хаһаайыстыба салайааччытыгар А.В. Левинаҕа уонна Сииттэ орто оскуолатын географияҕа учууталыгар А.З. Сивцеваҕа көһөрүллүү кыттыылаахтарын аатын үйэтитиигэ дьоһун кылааттарын киллэрсибиттэрин иһин Бочуотунай грамоталары туттарда.
Кэбээйи улууһун баһылыга И.Н. Спиридонов истиҥ эҕэрдэтин тиэрдэн туран, улууһун историятыттан сырдатта. «Кэбээйи улууһа тэриллибитэ 80 сыла» үбүлүөйдээх бэлиэни А.Т. Ноговицыҥҥа, тыыл, үлэ бэтэрээннэригэр, Көһөрүллүү кыттыылаахтарыгар Н.Е. Захаровка, Б.П. Баишевка уонна Чурапчы улууһун бэтэрээннэрин сэбиэтин бэрэссэдээтэлигэр М.Н. Матвееваҕа туттарда.
Кэбээйи улууһун бочуоттаах олохтооҕо, кыраайы үөрэтээччи Р.А. Иванова Кэбээйи уонна Чурапчы улуустарын доҕордуу сибээстэрин туһунан киэҥ ис хоһоонноох дакылааты аахта. Кэбээйи улууһугар улахан умунуллубат үтүөнү оҥорбут Г.И. Егоров кыыһыгар Нь.Г. Захароваҕа сэмэй бэлэҕин туттарда.
Кэбээйи улууһун талааннаах артыыстара, ылбаҕай ырыаһыттара, туойар тойуксуттара, нарын намчы үҥкүүһүттэрэ Көһөрүллүү 75 сылыгар анаммыт үрдүк таһымнаах кэнсиэрдэрэ дохсун ытыс тыаһынан доҕуһуолланна.
Средняя длительность одного заблокированного вызова в регионе – 13 секунд
Ограничения будут действовать один час
Пройдите наш тест и проверьте свои познания
Энергия планет будет способствовать вдохновению и мечтательности, поэтому ближайшие майские выходные просто идеальны для творчества,…
Проект реализуется совместными усилиями Якутского сельхозтехникума и Управления госстройжилнадзора Якутии
Лидер списка остался неизменным