Күөх Ньурба сиригэр-уотугар, Дьаархан нэһилиэгин Үрүҥ Тунах ыһыаҕар «Тыа ыала-2017» көрүү күрэс буолан ааста. Бу күрэскэ Сунтаар улууһун аатын Күндэйэ нэһилиэгин олохтоохторо Васильевтар дьиэ кэргэттэрэ ситиһиилээхтик көмүскээн, кыайыылаах аатын сүгэн үөрэн-көтөн кэллилэр.
Күрэскэ кыттар дьиэ кэргэттэр оҕо иитиитигэр болҕомтону уурууга, оҕону үлэҕэ сыһыарарга, тыа сиригэр толору хааччыллыылах дьиэни туттууга, байылыат тиэргэҥҥэ уо.д.а. тиэмэлэргэ тус-туһунан былаһааккаларга туһааннаах бырайыактары көмүскээтилэр.
Людмила уонна Владислав Васильевтар түөрт оҕолорун кытары бэйэ дьыаланы тэриниигэ, дьиэ кэргэҥҥэ эбии дохуоту киллэриигэ бырайыактара дьүүллүүр сүбэ биһирэбилин ылан, күрэс түмүгүнэн I миэстэни эрэллээхтик ыллылар.
Васильевтар туһунан кэпсиир буоллахха, кинилэр тыа сирин ыалын сиэринэн сүөһүлээхтэр, оҕуруот аһын хото үүннэрэллэр, сир аһыгар, булка-алка сөбүлээн сылдьаллар. Алта оҕоттон түөрдэ туйгун үөрэнээччи, иккитэ оҕо саадын иитиллээччилэрэ. Улахан уоллара Айаал быйыл Күндэйэ орто оскуолатын туйгуннук үөрэнэн, кыһыл көмүс мэтээллээх бүтэрдэ. Владислав Валерьевич оҕолорун тыа сирин олоҕор-дьаһаҕар, үлэҕэ сыстаҕас буоларга, булт-алт албастарыгар үөрэтэр.
Бу «Тыа ыала» көрүү күрэс түмүгүнэн кыайыылаах буолбут Васильевтар дьиэ кэргэн аны кыһын ахсынньыга Дьокуускайга өрөспүүбүлүкэ таһымыгар күрэстэһэ барарга, СӨ Ил Дарханын кытары көрсөргө путевка ыллылар.
Стадо сопровождали семь всадников с якутскими флагами
Ключевой темой заседания под лозунгом «Победа. Будущее!» стала победа в специальной военной операции
В опросе принимали участие самые популярные за первый квартал якутские имена
В ходе эфира от жителей республики поступило порядка 1400 вопросов
Праздничная выставка открылась в ДК «Металлург»
Видный государственный и хозяйственный деятель Иван Спиридонов получил высшую награду республики