Нам улууһун Хамаҕатта нэһилиэгэр ахсынньы 26 күнүгэр “Тулаайах уонна төрөппүт көрүүтэ-истиитэ суох хаалбыт оҕолору дьиэнэн хааччыйыы” республикатааҕы программа чэрчитинэн тутуллубут 7 квартиралаах дьиэ күлүүһүн хаһаайыттарыгар туттардылар.
Сэттэ квартиралаах толору хааччыллыылаах, икки мэндиэмэннээх, бары ирдэбилгэ эппиэттиир дьиэни 2016 сыллаахха 15 мөл. 230 тыһ. 520 солк. суума көрүллэн «ЛИГРАН» ХЭТ бэдэрээтчиктээн (дир. Г.А. Кобяков) тутан саҕалаан бүтэрдилэр. Дьиэ таһыгар оҕо оонньуур площадкатын оҥорбуттар.
Үөрүүлээх тэрээһиҥҥэ аалай кыһыл лиэнтэни улуус баһылыга Александр Атласов, Хамаҕатта нэһилиэгин баһылыга Иван Максимов уонна «ЛИГРАН» ХЭТ директора Григорий Кобяков быстылар. Иэримэ дьиэ сылаас, сырдык, оҕолор этэҥҥэ олороллоругар аал уоту оттон, сахалыы сиэринэн-туомунан алгыс тылынан үрдүк айыыларга Василий Сивцев сүгүрүйдэ. Саҥа квартира туппут оҕолорго нэһилиэк баһылыга сэмэй бэлэхтэри туттарда. Оҕолор улуус дьаһалтатыгар, тутааччыларга, опека уонна попечительство отделын үлэһиттэригэр истиҥ махталларын эттилэр.
Александр Атласов, «Нам улууһа» МТ баһылыга: «Дойдубут президенэ, республикабыт Ил Дархана тулаайах уонна төрөппүт көрүүтэ-истиитэ суох хаалбыт оҕолору дьиэнэн хааччыйыыга улахан болҕомтолорун уураннар, үлэ тэтимнээхтик барар. Быйыл, 2017 сылга Нам улууһугар уопсайа 31 тулаайах уонна төрөппүт көрүүтэ-истиитэ суох хаалбыт оҕолору дьиэнэн хааччыйан эрэбит, онтон 26 оҕо дьиэҕэ киириэхтэрэ. Онтон 5 оҕо кэлэр сылга саҥа дьиэлэрин күлүүһүн тутуохтара», — диэтэ.
Среди женщин доля тех, кто однозначно считает себя счастливым, выше, чем среди мужчин
Минкультуры России завершило предварительный отбор субъектов, претендующих на получение федеральных субсидий
Финал турнира завершился напряженной битвой между курсантами из Якутии и Тюменской области
Урок приурочен к 30-летию со дня подписания исторического указа «О проведении «Игр Дети Азии»
Красивый номер можно купить вместе с автомобилем
Объекты теплоснабжения функционируют в штатном режиме, без ограничений и технологических нарушений