Саха сирин предпринимателлэрин декадатын чэрчитинэн, М.А.Алексеев аатынан республикатааҕы лицей-интернакка улууспут биллэр-көстөр предпринимателлэрэ аһаҕас уруоктары ыыттылар.
Үөһээ Бүлүү бөһүөлэгэр Лена Михайлова (“Мила” маҕаһыын), Анна Васильева (“Булгунньахтаах”), Эльвира Федорова (“Модная точка” маҕаһыын) буоланнар хайдах предприниматель буоларга, тыа хаһаайыстыбатын тэрийиигэ аһаҕас уруок ыыттылар. Маны таһынан, Эльвира Афанасьевна атыылыыр таҥаһын кыргыттар кэтэн дефиле көрдөрдүлэр. Раиса Степанова (“Дока” килиэп) уонна Инна Иванова (“Натали” маҕаһыын) викториналаах, оонньуулаах уруогу тэрийдилэр. Раиса Егоровна 10-с кылаастары кытары шефтэһэр баҕалааҕын биллэрдэ, оскуоланы бүтэрэллэригэр биир үчүгэй үөрэхтээх оҕоҕо грант олохтуох буолла.
“Ыраас ууну” оҥорор эдэр урбаанньыт Федот Филиппов бизнес-былааны хайдах суруйарга үөрэттэ, “Баалыкай” ХЭТ салайааччыта Николай Еттянов, “Утум” тэрилтэ салйааччытын солбуйааччыта Надежда Федотова уонна “Уйгу” маҕаһыын салайааччыта Ирина Иванова буоланнар атыы-эргиэн туһунан кэпсээтилэр. Ону сэргэ, урбаанньыт Андрей Петров, урбааны өйүүр киин салайааччыта Екатерина Николаева эмиэ аһаҕас, сэргэх уруоктары ыыттылар.
Предпринимателлэр оҕолорго араас сорудахтары биэрэн, оҕолор билиилэрин-көрүүлэрин тургутан көрдүлэр. Оҕолор чааһынай тэрилтэлэргэ сылдьан, урбаанньыттар үлэлэрин кытары билистилэр уонна бырайыактары оҥорон көмүскээтилэр. Биэс кылаас үөрэнээччилэрэ күрэххэ кытыннылар. Үс бастакы миэстэлээхтэргэ харчынан бириэмийэлэри туттардылар. Үөһээ Бүлүү бөһүөлэгин баһылыга Максим Силигиянов бөһүөлэк сайдыытыгар туһууламмыт бастыҥ бырайыагы суруйбут оҕоҕо дьаһалта аатыттан бириис олохтуурун иһитиннэрдэ.
Иккис сорудахха оҕолор “Мин киэн туттар урбаанньытым”, “Я будущий бизнесмен”, “Хобби, которое приносит деньги”, “История денег” о.д.а. тиэмэлэргэ кылгас өйтөн суруйууларын билиһиннэрдилэр. Манна 40-ча оҕо кытынна. Түмүккэ, бастакы миэстэни 10 кылаас үөрэнээччитэ Женя Иванов, иккис миэстэни 10 кылаас үөрэнээччитэ Максим Иванов, үсүһү 7 кылаас үөрэнээччитэ Андриан Иванов ыллылар. Оҕолорго бириистэри, сертификаттары туттардылар. 7 кылаас үөрэнээччитэ Алгыс Лебедкин, 5 кылаас үөрэнээччитэ Жанна Матвеева үлэлэрэ биһирэннилэр.
Получив хороший урожай арбузов на даче, огородница ради интереса решила посадить экзотическую рассаду у себя…
На участке Витим - Пеледуй Ленского района ожидаются подвижки льда
Генеральный директор акционерной компании «Железные дороги Якутии» Василий Шимохин поздравил с Днем весны и труда:…
Прaвительствo РФ утвердилo перeчень катeгорий грaждан, котoрые с 1 июля смoгут оплaчивать жилищно-коммунальные услуги, а…
За прошедшие сутки в Якутии зарегистрировано девять сообщений о преступлениях, 11 пожаров, смертельный случай падения…
Ютуб-канал Old Yakutsk представил объединенную кинохронику празднования Первомая в Якутске в разные годы (1953 -…