Чааһынай урбаанньыт Сардаана Григорьева өссө 2014 сыллаахха ахсынньы 5 күнүгэр минньигэс астаах атыылыыр сир арыйан үлэтин саҕалаабыта. Дьарыгын биһирээн, «Вилюй» атыы-эргиэн дьиэтигэр «Три лимона» диэн ураты ааттаах кафе арыйан үлэлэтэн эрэр. Кылгас кэм иһигэр кафе толору хааччыллыылаах буола уларыйда-тэлэрийдэ.
«Бэйэм доруобуйа харыстабылыгар 11 сыл үлэлээбитим. Эбии дьарыктанан дохуот киллэриммит киһи дуу диэн санаа «күлүм» гыммыта. Ол сыалбын сороҕун ситтим дии саныыбын, инникитин былааным киэҥ. Онуоха кэргэним миэхэ күүс-көмө буолар, бэйэтэ эмиэ асчыт бэрдэ. Киһи санаата кыайар буоллаҕына, ситиһии кэлэр. Үлэһит сүрэх, баҕа күүһэ тугу кыайбатаҕа баарай?!» — диэн астына этэр.
Бөһүөлэк килбэйэр киинигэр маннык кафе арыллыбыта олус табыгастаах. Тыаттан киирбит дьон, ыраах дьиэлээхтэр манна кэлэн эбиэттииллэр. «Три лимона» аһа өрүү минньигэс дииллэрин истэбит.
— Менюбут күн аайы уларыйа турар, билиҥҥи интернет үйэтигэр ас-үөл саайтыгар киирэн ханнык баҕар бүлүүдэни көрөн астыахха сөп. Ол курдук, миин, торуой икки арааһа, бурдук аһа, салаат эгэлгэтэ, хот-дог, утах күн аайы сибиэһэйдии тахса турар. Дьон астынар, кинилэр махталлара биһиэхэ туохха да тэҥнэммэт. Маны сэргэ, үбүлүөйдэри, төрөөбүт күннэри, саҥа дьыллааҕы бырааһынньыктары тэрийэн ыытабыт. Биир киһиттэн баара-суоҕа 500 солкуобай төлөнөр, бэйэ баҕатынан ханнык баҕар кухняны талан, аһы сакаастаһыахха сөп.
— Хас үлэһиттээххин?
— Миигиттэн ураты икки повардаахпын, кинилэр сарсыарда 6 чаастан кэлэллэр. Кыргыттарым хаһаайка бастыҥнара буолан, эппиккэ дылы, «ыллыы-ыллыы» астыыбыт. Бэйэ-бэйэбитин ситэрсэн биэрэн, сонунтан сонуну астыырбытын олус сөбүлүүбүт. Ас астыыртан саллыбат дьоммут быһыылаах (күлэр).
Үөрэ-көтө, сырдык санаалаах астаммыт ас иҥэмтиэлээх, минньигэс буолар. Хоммут ас кафеҕа атыыламмат, дьон доруобуйатын туһугар үлэлииллэр. Хас биирдии киһи тотон барарын, итиэннэ иккистээн-үһүстээн кэлэрин ситиһэр сыаллаахтар.
Зрителям завязали глаза и дали ощутить концерт в принципиально новом жанре
В спортзале Алданской гимназии занимаются пятью видами спорта. Сегодня зал используется для проведения школьных уроков по…
Ребятам предстоит пройти курс обучения основам железнодорожного ремесла
Опытный путешественник из Мирного планирует пройти за три месяца от самой южной точки до самой…
Маршруты автобусов перестроят на время мероприятий в честь Дня Победы
За нарушения требований пожарной безопасности в условиях особого противопожарного режима предусмотрены штрафы