Эбээн Бытантай национальнай улууска III Хотугу норуоттар оонньуулара кулун тутар 27-31 күннэригэр ыытыллаллар. Бу оонньуулар эбээн норуотун чаҕылхай уола, судаарыстыбаннай политическай деятель Роман Иванович Шадрин төрөөбүтэ 125 сылыгар туһуланар.
Табаһыттар сүлүөттэригэр Ил Түмэн судаарыстыбаннай мунньаҕын бэрэссэдээтэлэ Александр Жирков, норуот дьокутаата Иван Андреев, биллиилээх спортсмен Виктор Лебедев уонна да атын үрдүк сололоох ыалдьыттар кыттыыны ылыахтара.
Кулун тутар 29 күнүгэр эбээн норуотун культуратын уонна тылын республиканскатааҕы фестиваль үөрүүлээх быһыыга-майгыга арылынна. Ил Түмэн дьокутаата Елена Голомарева, Максим Дуткин, «Гулун» үҥкүү ансаамбыл о.д.а. кыттыыны ыллылар. Маны сэргэ үс былаһаакканан оҕолорго уруһуйга, стендовай ааҕыыга, хаартысканан, оҥоһуктарга республиканскатааҕы куонкурустар ыытылыннылар.
Бүгүн, о.э. кулун тутар 30 күнүгэр спортивнай күрэхтэр сүрүн чаастара буолуоҕа, олус элбэх бириис, бэлэх-туһах бэлэмнэнилиннэ. Булуҥ, Томпо, Дьааҥы улуустарын кыттааччылара номнуо кэлэн бэлэмнэнэн, табаларын уһуйа сылдьаллар. Маны сэргэ өрөспүүбүлүкэтээҕи «Көс ыал» куонкурус ыытыллыаҕа. Маны сэргэ астыыр-таҥастыыр сыах арыллыыта буолуоҕа. Бу тэрилтэни биллэр-көстөр ыччаппыт, тыа хаһаайыстыбатын салаатыгар элбэҕи эрэннэрэр урбаанньыт Альберт Колесов куонкуруска кыттан кыайыылааҕынан тахсар арыйар.
Зрителям завязали глаза и дали ощутить концерт в принципиально новом жанре
В спортзале Алданской гимназии занимаются пятью видами спорта. Сегодня зал используется для проведения школьных уроков по…
Ребятам предстоит пройти курс обучения основам железнодорожного ремесла
Опытный путешественник из Мирного планирует пройти за три месяца от самой южной точки до самой…
Маршруты автобусов перестроят на время мероприятий в честь Дня Победы
За нарушения требований пожарной безопасности в условиях особого противопожарного режима предусмотрены штрафы