Оройуон Сэбиэтин депутаттара Халбаакы нэһилиэнньэтин иннигэр ааспыт сыллааҕы үлэлэрин отчуотаатылар, нэһилиэк кыһалҕаларын быһаарыыга кэпсэттилэр. Олохтоохтору хочуолунайы саҥардыы, кыамтатын үрдэтии, олорор дьиэлэри киин ититиинэн хааччыйыы, электро-уоту салгыы киллэрии, сыбаалка боппуруостара долгуталлара көһүннэ, олохтоохтор бөһүөлэккэ быйыл ханнык-туох үлэни, ол иһигэр ыраастаныыны былаанныылларын кэпсэттилэр.
Отчуоттуур бөлөххө оройуон Сэбиэтин бэрэссэдээтэлэ Г.С.Корякин, бүддьүөт хамыыһыйатын чилиэнэ, “Бүлүү оройуонун электрическэй ситимнэрэ” тэрилтэ салайааччыта Е.Р.Константинов, Халбаакыттан төрүттээх депутаттар: предпринимательство хамыыһыйатын салайааччы, улууска биллэр предприниматель К.Х.Егоров, “Олох суола” хаһыат редактора В.Н.Мандаров киирсэн сырыттылар.
Халбаакыга тэриллибит оройуон Сэбиэтин бастакы отчуотугар сэргэх, икки өттүттэн санааны аһаҕас атастаһыылаах кэпсэтии таҕыста. Оройуон Сэбиэтин бэрэссэдээтэлэ Г.С.Корякин Сэбиэт ааспыт сыллааҕы үлэтин, улуус олоҕун-дьаһаҕын, депутаттар Е.Р.Константинов, К.Х.Егоров, В.Н.Мандаров хамыыһыйалар үлэлэрин билиһиннэрдилэр, элбэх ыйытыкка хоруйдаатылар.
Ааспыт сылларга Халбаакыга гаас ситимэ тардыллыбата чуолкай биллибитин кэннэ, электро-уот кыамтата үлэ саҕаламмытын кэннэ тиийбэт буолан хаалбыта, бөһүөлэк киин ититиини туһаныыттан “арыыланан” хаала сыыспыта дьону улаханнык аймыы, долгута сырытта. Балаһыанньа биллэ тыҥааһыннана сылдьыбыта.
Былырыын оройуон Сэбиэтигэр улахан мөккүөр кэннэ, депутаттар уонна улуус дьаһалтата биир тылы буланнар, улуус бүддьүөтүттэн Халбаакыга хочуолунайы саҥардыыга, киин ититии ситимнэрин тардыыга 5,5 мөл. солк. үбүлүүрү ситиспиттэрэ. Быйыл эмиэ ити сыалга 4,9 мөл. солк. көрүллүбүтүн бэлиэтиэххэ сөп. Халбаакы дьаһалтата бэйэтин бүддьүөтүттэн эмиэ икки сыл устата 1-дии мөл. солк. үбүлээһини оҥордо. Ити суумаҕа үлэ саҕаланан, билигин дьон сүргэтэ көтөҕүллэн, эрэх-турах санаалаах сылдьаллар.
Отчуоттуу тахсыбыт депутаттар хочуолунайга сырыттылар, саҥа аҕалыллыбыт оборудованиены көрдүлэр, ыытыллыбыт үлэни билистилэр.
Биир дойдулаахтарын итэҕэллэрин ылан иккис болдьоххо талыллыбыт “Халбаакы нэһилиэгэ” МТ дьаһалтатын баһылыга А.И.Васильев көрсүһүүгэ нэһилиэк олоҕун, кыһалҕаларын быһаарыыны кэпсээтэ. Даҕатан эттэххэ, Халбаакыга уулуссалары өрөмүөннээһиҥҥэ күүстээх үлэ барбытын бэлиэтиэххэ сөп. Түмүккэ, нэһилиэк баһылыга оройуон Сэбиэтэ Халбаакы киин ититиигэ көрсүбүт кыһалҕаларын быһаарыыга күттүөннээх көмөтүн ахтан туран, салгыы ситиһиилээх үлэни баҕарда.
При этом в первой декаде декабря отклонение температуры от нормы составило 8,9 градуса
Альбом-каталог — третья книга серии о народном декоративно-прикладном искусстве из коллекции музея
Возможны конфликты и столкновения интересов, которые могут вспыхивать совершенно спонтанно
Решение принимается на основании данных на 6:30 утра и действует весь день независимо от смены
Груз еще находится в пути и будет доставлен воинам-якутянам накануне Нового года
Свои путевки они получили благодаря активному участию в серии региональных лекций по искусственному интеллекту