Чурапчы нэһилиэгэ, үтүө үгэс быһыытынан, сааскы бастакы бырааһынньыкка кэрэ аҥаардарыгар, далбар хотуттарыгар умнуллубат кэрэ түгэннэри бэлэхтиир.
Бастатан туран, нэһилиэк, улуус, өрөспүүбүлүкэ биир бастыҥ уопсастыбанньыга, СӨ Уопсастыбаннай палаататын чилиэнэ, СӨ Ил Дарханын итэҕэллээх киһитэ Екатерина Иванова «Дьүөгэлиин сэһэргэһиэх» диэн бэрт дириҥ ис-хоһоонноох, интэриэһинэй, истиҥ-иһирэх көрсүһүүнү иилээн-саҕалаан ыытта. Манна чурапчылар күндү ыалдьыттара, саха норуодунай худуоһунньуга, уран тарбахтаах уус Анна Зверева, Арассыыйа маастар-асчыта, Арассыыйа потребкооперациятын туйгуна, СӨ хааччыйыы эйгэтин үтүөлээх үлэһитэ, Чурапчы улууһун бочуоттаах олохтооҕо Капиталина Городецкая, СӨ социальнай сулууспатын туйгуна Лилия Гоголева, “Аҕам, ийэм уонна мин – спортивнай дьиэ кэргэн” өрөспүүбүлүкэтээҕи күрэхтэһиигэ 3-с миэстэлээх, улууска “Хаар айан -2018” кыайыылааҕа Ирина Баранкевич уонна СӨ үөрэҕириитин туйгуна, “СӨ физкультуратын уонна спордун сайдыытыгар кылаатын иһин” бэлиэ хаһаайката Саргылана Оконешникова кыттыыны ыллылар. Маннык үтүө дьонноох улуус, чахчы даҕаны, инники күөҥҥэ сылдьыан сылдьар эбит, диэн киһи өссө төгүл итэҕэйэр. Биир олус дьоһуннаах, долгутуулаах түгэнинэн, Чурапчы нэһилиэгин дэгиттэр талааннаахтарыгар, хаһаайка бастыҥнарыгар, күүстээх санаалаах, дойдуларын туһугар туруулаһан үлэлиир холобур буолар кэрэ аҥардарга 9 эйгэ анал ааты туттарыы буолла. Кыайыылаахтары эҕэрдэлиибит!
Продажа билетов на церемонию закрытия игр «Дети Азии» стартует 6 мая. На мероприятия международных соревнований…
Проект планируют выпустить в сентябре этого года
В Хомустахском первом наслеге состоялся конкурс «Ожившие картинки»
На фестиваль будут приглашены 100 активных учеников 7–10-х классов школ республики
Оставленный в автобусе телефон стал источником конфликта между подростками и водителем маршрутки. До выяснения всех…
Торжественный парад состоится на площади Победы