Булуҥ маастара: Дьиҥнээх талааннаах маастардар айылҕанан, тыанан, туундаранан сылдьаллар

14:15, 27 марта 2018
Текст:
Читайте нас на
Дзен
afisha.png

Дьокуускай куоракка нэдиэлэ устата VII-с төгүлүн аҕыйах ахсааннаах хоту­гу норуоттар күннэрэ ыытылыннылар. Улахан таһымнаах тэ­рээһиҥҥэ Булуҥ улууһуттан үс бэрэс­тэ­биитэл кыттыыны ылбыта. Кинилэр кулун тутар 20, 21 күннэригэр хотугу норуоттар кыһалҕаларын быһаарсар, кэпсэтэр мунньахтарга сылдьыбыттара.


Аҕыйах ахсааннаах хотугу норуоттар күннэрин чэрчитинэн, кулун тутар 20 күнүгэр III-с төгүлүн ыытыллар ре­гионнар икки ардыларынааҕы “Арктика дойдута-2018” быыстапка-дьаарбанката буолан ааспыта. Биһиги улууспут аатын Светлана Садовникова ааттатта. Быыс­тапка-дьаарбаҥка биир сыл устата түһү­мэхтэринэн ыытыллан баран, бу күн тү­мүктэннэ.

Урукку сылларга маннык таһымнаах быыстапкаларга Булуҥ маастара куруук түүлээх таҥас диэн көрүҥҥэ кыттар эбит буоллаҕына, быйыл оҕуруо көрүҥэр холонно. Ол курдук, маастар 2018 сыл­га кыыһыгар анаан аныгы тииптээх тө­рүт өбүгэлэрин көстүүмүн тигэн таһаар­быт, эбии оҕуруонан киэргэппит саҥа үлэтинэн кытынна. Сыралаах үлэ ку­богынан, грамотанан, сертификатынан на­ҕараадаламмыт. Ситиһиилээхтик кыт­ты­бытыттан үөрүүтүн биллэрэр. Быыс­тапка-дьаарбаҥкаҕа кыттарын тухары, Хабаровскай кыраайтан биир куукула оҥоһугун маастара быыстапкалыырын бэлиэтиир. Бу да сырыыга кини кыттыыны ылан кыайыы өрөгөйдөөх айаннаабытын этэр.

Холобура, хотугу улуустартан Эдьигээн улууһа олус таһаарыылаахтык үлэлиирин бу да сырыыга көрдөрбүтүн, ол курдук улуустан уонча маастары аҕалбыттарын, олус күүстээх хамаанда буоларын Светлана Егоровна ыйар.

Сийиэс олус интэриэһинэйдик, үрдүк таһымнаахтык ааста. Элбэх оҕолоох ийэ­лэргэ, кыаммат ыалларга наһаа элбэх чэпчэтии көрүллэрин, баарын би­ли­һиннэрдилэр. Элбэх туһалаах иһитиннэ­риилэри ыллым, биллим.

Кулун тутар 21 күнүгэр быыстапка кыттааччыларыгар төгүрүк остуол ыытыллыбыта. Тэрийээччилэргэ бэйэм баҕа санаабын тиэрдибитим. Ол курдук, сылтан сыл наар биир саастаах дьон кыттара сылаалаах. Тоҕо эдэрдэр кыттыбаттар, тоҕо иһитиннэрии үлэтэ мөлтөхтүк барарын этинним. Дьиҥнээх талааннаах маастардар айылҕанан, тыанан, туундаранан сылдьаллар. Ин­никитин маннык маастардар кыттал­ларын ситиһиэххэ наадатын эттим. Булуҥҥа биһиэхэ маастар үгүс ээ. Биһиги салгыҥҥа, айылҕаҕа кэтэр таҥаспытын кыылтан оҥорон, тигэн таһаарабыт эбээт. Ол курдук күннээҕи кэтэр таҥас­пыт быыстапкаҕа тураллар.

VII төгүлүн ыытыллар сийиэскэ кыт­тыбыппыттан наһаа үөрэбин, инники да өттүгэр кыттыам. Аны маннык тэрээһиннэр икки сылынан буолаллара күүтүллэр”, – диэн Булуҥтан соҕотох кыттыбыт маастар санаатын үллэстэр.

Тэрийээччилэр ыраах сиртэн кэлэн кыттыыны ылбыт дьоҥҥо махтаналларын уонна салгыы саҥаттан саҥа оҥоһуктары, интэриэһинэй үлэлэри күүтэллэрин эп­питтэр. Таһаарыылаах үлэни баҕарбыттар. Сийиэстэн дьон үчүгэй өйдөбүллээх бар­быт. Бары бириискэ тиксэн, илии ту­туурдаах айаннаабыттар.

+1
0
+1
0
+1
0
+1
0
+1
0
+1
0
+1
0
28 марта 28.03
  • -12°
  • $ 92,59
  • 100,27

Сообщить об опечатке

Текст, который будет отправлен нашим редакторам: