Бүлүү куоратыгар бааһынай хаһаайыстыбалар, производственнай кооперативтар салайааччылара түмсэн, АККОР Бүлүүтээҕи салаатын тэрийдилэр, салайааччытын, Сэбиэтин таллылар. Бүгүҥҥү күн туругунан улууска 78 бааһынай хаһаайыстыба, олор истэригэр А.В.Кырбасова салайааччылаах “Илин”, И.И.Ионов салайааччылаах “Сиккиэр”, А.К.Харлампьев салайааччылаах “Тускул” Саха сиригэр биллэр бөдөҥ, тирэхтээхтик үлэлиир, элбэх сүөһүлээхтэр бааллар.
Урукку өттүгэр Бүлүү улууһуттан АККОР-га биирдиилээн хаһаайыстыбалар киирбит буоллахтарына, улуус таһымнаах түмсүү тэриллибэккэ бааһынай хаһаайыстыбалар сүүйтэриилээх балаһыанньаҕа хаалаллара.
Тэрийэр мунньахха бааһынай хаһаайыстыбалар ассоциацияларын — АККОР үлэтин, сыалын-соругун “Туймаада” ФАПК генеральнай директорын солбуйааччы, АККОР президенэ А.Е.Артемьев билиһиннэрдэ. Кини АККОР бааһынай хаһаайыстыбалары эрэ буолбакка, кооперативтары эмиэ түмэр общественнай тэрилтэ буоларын тоһоҕолоон бэлиэтээтэ. Билигин Саха сирин үрдүнэн 2 тыһ. тахса бааһынай хаһаайыстыба, кооператив үлэлииллэрэ биллэр. Онтон 1074 хаһаайыстыба ассоциация кыттыылааҕын быһыытынан Россия реестригэр эрдэ киирбиттэр, билигин ким үлэлиирин-үлэлээбэтин чуолкайдааһын ыытыллар. АККОР-га хаһаайыстыбалар баҕа өттүнэн киирэллэр.
“АККОР биһиэхэ тугу биэриэҕэй?” диэн аан бастакынан тыа сирин киһитэ толкуйдуура кистэл буолбатах. А.Е.Артемьев тыа сирин дьоно, тыа хаһаайыстыбатын управлениелара, улуус салалталара сайдыыга туһуланар биир санаанан үлэлиир ситимнэрин оҥоро-тута сылдьарын эттэ. Инники өттүгэр “Дьиэ кэргэн фермата”, “Саҥа саҕалааччы фермер” курдук грант куонкурустарын бастакы түһүмэхтэрэ ассоциация иһинэн улуустар таһымнарыгар ыытыллыахтарын бэлиэтээтэ.
Тэрийэр мунньах кыттыылаахтара кандидатуралары дьүүллэһии кэннэ Ассоциация улуустааҕы тэрилтэтин салайааччытынан тыа хаһаайыстыбатын департаменын салайааччытын солбуйааччытын үлэлиир уопуттаах специалиһы В.М.Гаврильеваны биир санаанан таллылар. Түмсүү үлэтин сүрүннүүр Сэбиэккэ А.В.Кырбасова (Кыргыдай), И.И.Ионов (Дьөккөн), В.В.Иннокентьева (Тылгыны), В.Е.Потапов (Тааһаҕар) уонна А.А.Кондратьев (“Сыа Бүлүү” астыыр-үөллүүр улуустааҕы кооператив) талылыннылар.
Мунньаҕы салайан ыыппыт Бүлү улууһун дьаһалтатын баһылыгын бастакы солбуйааччы И.И.Евсеев саҥа тэриллибит бааһынай хаһаайыстыбалар, производственнай кооперативтар улуустааҕы түмсүүлэрэ көхтөөхтүк үлэлиэҕэр, тыа хаһаайыстыбатын салаатын оҥорон таһаарааччыларын интэриэстэрин туруулаһыаҕар эрэнэрин биллэрдэ.
Режим повышенной готовности сохраняется в селе Жиганск, где в котельной «65 лет Победы» вышли из…
Это не первый раз, когда Юлияна Кривошапкина проводит такой эксперимент
Это заболевание, вызванное длительным употреблением «горячительного». Оно приводит к ряду серьезных болезней
Разбираемся с главными запретами в этот день
Утром жители Нюрбы и Антоновки остались без света в результате технологического сбоя