Амма улууһун олохтоохторо Россия үрдүнэн доруобуйаны чэбдигирдэр, эти-хааны уһугуннарар сүүрүү күнүгэр көхтөөхтүк кытыннылар. Сүүрэр суолга уопсайа 1000 улахан киһи уонна оҕо-аймах таҕыста. Хас да этабынан, саастарынан арахсан ыытылынна. Болугуртан, Эмистэн, Абаҕаттан, Чапчылҕантан, Соморсунтан чэпчэки атлетиканан сөбүлээн дьарыктанааччылар кэлбиттэр. Уһууйаан кырачаан иитиллээччилэрэ кытта бааллар.
Хатыһылыылаах этаптарынан сүүрүү кэнниттэн «Кросс наций» кыайыылаахтарынан кырачааннарбытыгар: кыргыттарга Эмистэн Сандаара Степанова, уолаттарга эмиэ Эмистэн Игнат Устинов, начальнай бөлөхтөргө 200 м. Амма 1 нүөмэрдээх орто оскуолатын үөрэнээччитэ Эрчим Стручков, Абаҕаттан Сандаара Никитина, 700 м. Амма 1 нүөмэрдээх орто оскуолатыттан Сардана Неустроева, Чапчылҕантан Андрей Медловец.
1500 м. этапка 2000-2003 с.т. кыргыттарга Марина Соломонова, уолаттарга Эмистэн Авдей Тимофеев тэҥнээхтэрин булбатылар. Бу оҕолорбут биһиги инники эрэллэрбит. Онтон улахан дьоҥҥо бу дистанцияҕа эдэрдэргэ Абаҕаттан Егор Петров уонна Ольга Наумова, саастаахтарга Эмистэн баһылык Илья Ильич Пестерев уонна Амматтан Ф. Потапов аатынан култуура дьиэтин бэрэстэбиитэлэ Светлана Дмитриевна Заборовская биэтэккэ бастакынан кэллилэр. Бу этапка улууспут баһылыга Николай Архипов иккис миэстэ буолбутун бэлиэтиир тоҕоостоох. Сүүрүүгэ баһылык эдэр солбуйааччылара Дмитрий Иванов, Иннокентий Климонтов, Ион Кононов көхтөөх кыттыыны ыллылар. Бу курдук улууспут салайааччылара барыга холобур буола туралларыттан киһи үөрэр эрэ.
Путин подчеркнул важность работы по адаптации получивших инвалидизацию ветеранов боевых действий
Подозрительным является, когда телефон начинает работать медленнее, быстро разряжается, самопроизвольно перезагружается
В ходе мероприятия рассмотрены ключевые аспекты корпоративной культуры министерства труда
В прошлом году он оформил заем в Фонде развития предпринимательства Якутии для приобретения модульного дома
Дроны перевозят посылки весом до 10 кг, а время полёта составляет до 15 минут
Горячее и холодное водоснабжение ограничат из-за плановых работ