Амма улууһугар аныгы үйэ ирдэбилигэр толору эппиэттиир, элбэх информацияны тутатына тиэрдэр оптоволоконнай сибээс ситимин “Эксперт” чааһынай хампаанньалар бөлөхтөрө СӨ Сибээс уонна информационнай технология министиэристибэтин өйөбүлүнэн тиэртэ.
“Эксперт” хампаанньа өрөспүүбүлүкэ атын улуустарыгар маннык ситими киллэрэргэ эмиэ үлэлэһэр. Түргэн интэриниэт кэлэн, суотабай сибээс эмиэ тубуста дэһэллэр. Болугурга билигин “Мегафон” хампаанньа 3G сибээһэ үлэлиир, ахсынньыга Билайн уонна МТС кэлиэхтээх.
Бэлиэтээн эттэххэ, Болугур баһылыга Степан Николаевич Кузьмин, Болугур уонна Покровка олохтоохторо сибээс ситимэ кэлэригэр элбэх үлэни ыыттылар. Субуотунньугунан 500 остуолбаны бэлэмнээбиттэр. Бу остуолбалар Амматтан Покровкаҕа (25 км) диэри тураллар, онтон Покровкаттан Болугурга (25 км) диэри сибээс линията сир аннынан барар. Бу бэйэни салайыныы үйэтигэр сөптөөхтүк дьаһанан, дьону түмэн, чааһынай үптээх, кыахтаах тэрилтэлэри кытта бииргэ үлэлэһэн, дьон олоҕо тупсарын туһугар кыһамньыны көрдөрөр холобур буолар.
“Линиялары олохтоохтор көмөлөрүнэн олус түргэнник, икки ый иһигэр тарда оҕустубут. Балаҕан ыйын 10 күнүттэн саҕалаан сэтинньи 10 күнүгэр сибээс ситимэ Болугурга тахсан турара”, — диэн “Эксперт” хампаанньалар бөлөхтөрүн ВОЛС тутуутугар дириэктэри солбуйааччы Игорь Марков бэлиэтээн эттэ.
Амма улууһун баһылыга Николай Архипович Архипов: “Биһиги “Эксперт” хампаанньалар бөлөхтөрүн уонна Сибээс министиэристибэтин кытта 2015 сылтан күүскэ үлэлэһэбит. Аммаҕа 2015 сылга сэтинньи ыйга түргэн-тарҕан интэриниэттэммиппит. Ааспыт сылга уонна быйыл Эмискэ, Алтаҥҥа, Сатаҕайга кэлбитэ. Болугурга быйылгыга былааҥҥа суох этэ. Ол гынан баран, нэһилиэнньэ күүскэ туруорсан, субуотунньуктаан, элбэх үлэни ыытан, Болугурга уонна Покровкаҕа киирдэ. Билигин былааммытыгар Абаҕа, Соморсун, Сулҕаччы, Чакыр, Чапчылҕан, Бөтүҥ бааллар. Кэлэр сылларга улууспут барыта холбонуохтаах”, — диэн эттэ.
СӨ Сибээс уонна информационнай технологияларга министиэристибэ ыытар үлэтин түмүгэр, улуустарга уонна нэһилиэктэргэ оптоволоконнай сибээс ситимин тардыы 2012 сылтан утумнаахтык ыытыллар.
Температура в районе Гимеина составила минус 49 градусов, штиль, в районе аэропорта — минус 48…
Во вновь созданных женских консультациях внедрены и будут усовершенствоваться новые подходы к оказанию медицинской помощи
На реализацию Указа о развитии Мирнинского района направлено более 15,5 млрд рублей из федерального и…
Соответствующее постановление рассмотрено на заседании правительства республики
На сегодня в Якутии реализуется 17 проектов комплексного развития территорий
В ходе заседания глава Якутии доложил о выполнении в республике ключевых инфраструктурных задач 2025 года