Амматааҕы ойуур хаһаайыстыбатын салайааччыта Николай Артемьев иһитиннэрбитинэн, улууска атырдьах ыйын 8 күнүн туругунан 3 баһаар баара чуолкайдаммыт.
Республикатааҕы ЫБМХ быһаарыытынан, биир баһаар өрүс уҥуор турбутунан уонна нэһилиэнньэлээх пууҥҥа кутталы үөскэппэтинэн умулларыыта тохтотулунна.
Николай Артемьев этэринэн, Чакыр сиригэр-уотугар баар 2 гектардаах сир уота эргитиллибит.
Баһаар уота тайаан сытар 7 гектардаах сиргэ уопсайа 16 киһи үлэлии сылдьар. Ону кытта ойуур авиациятын ДТ-75 тыраахтыра баар. Өссө эбии Чакырга баар 100-тэн тахса гектардаах сиргэ олохтоох нэһилиэнньэттэн 21 киһи, МТЗ-82 тыраахтыр сыһыарыллан үлэлии сылдьар.
Николай Афанасьевич бэлиэтииринэн, Горнай, Уус Алдан, Бүлүү улуустарыгар буола турар баһаардарга Амматтан анал баһаары умулларыыга үлэлиир дьон баран, олохтоох баһаардары сабыта тутууга ыарахаттар үөскээбиттэр. «Дьоммут баһаары утары үлэҕэ анал үөрэҕэ суох дьон буолан, уоту түргэнник саба тутууга ыарахан. Биир үксүн ол да иһин сорох баһаардар кэҥээн хааллылар«, — диэн кини этэр.
Сезон саҕаланыаҕыттан Амма улууһун үрдүнэн уопсайа 15 баһаар туочуката бэлиэтэннэ.
Данная программа действует в районе с 2013 года
Ранее жители села выезжали за лекарствами в районный центр
Подборка новостей за понедельник
В Госдуме приняты поправки в закон о социальной защите инвалидов
День обещает быть продуктивным
Истории героев Великой Отечественной можно увидеть в столице на уличных экранах и на телеканале НВК…