Бу быһылаан былырыын саас буолбута — Айхал бөһүөлэгэр оҕо саадын иитээччитэ оҕолор айахтарын скотчунан бүөлээн, улахан айдаан тахсыбыта. Ол иитээччигэ суут уурааҕа тахсыбытын туһунан СӨ Борокуратууратын пресс-сулууспата иһитиннэрдэ.
Быһылаан буолбутун кэннэ холуобунай дьыала РФ Холуобунай кодексатын 156-с ыстатыйанан тэриллибитэ. Ол эбэтэр, педагог сокуоннай сааһын ситэ илик оҕолору иитэр эбээһинэстэрин толорботоҕун, ону ааһан, кырыктаахтык сыһыаннаспытын иһин.
Суут быһаарбытынан, 2017 сыл кулун тутар ыйыгар Айхал бөһүөлэгин оҕо саадын иитээччитэ 4 саастаах түөрт оҕо айаҕын скотчунан бүөлээбит. Арааһа, айдаарбатыннар диэн буолуо.
Дьыала ураты бэрээдэгинэн көрүллүбүт, сууттанааччы-иитээччи буруйун толору билиммит.
Ол түмүгэр, суут кинини ыстараап төлүүрүгэр уураахтаабыт уонна 2 сыл үөрэх тэрилтэлэригэр дуоһунастаах үлэҕэ үлэлиир быраабын быспыт.
Бириигэбэр сокуоннай күүһүгэр киирэ илик.
Ребятам предстоит пройти курс обучения основам железнодорожного ремесла
Опытный путешественник из Мирного планирует пройти за три месяца от самой южной точки до самой…
Маршруты автобусов перестроят на время мероприятий в честь Дня Победы
За нарушения требований пожарной безопасности в условиях особого противопожарного режима предусмотрены штрафы
По последним данным, в Якутию прилетает порядка 40 тысяч лебедей
В эти выходные весь православный христианский мир отмечает Пасху