Нам улууһун 1 Хомустааҕар Айдын Аргунов убайдарын, дьонун кытта сүбэлэһэн, биир санааҕа кэлэннэр, хаһаайыстыбаларын кэҥэтэр сыалтан, Тыа хаһаайыстыбатын уонна ас-үөл политикатын министерствота ыытар «Саҥа саҕалыыр фермер» куонкуруска кыттан, 50 миэстэлээх хотон туттуутугар грант ылбыта.
Хотон туттар сиригэр уот ситимэ суох буолан, төһө да ыарахаттары үөскэттэр, фермер Айдын Аргунов силигин ситэрэн, уот ситимин таттаран, быйыл саҥа хотонун үлэҕэ киллэрдэ. Айдын билигин уопсайа 50-ча сүөһүлээх, 20-чэ ыанар ынахтаах. Тыа хаһаайыстыбатынан дьарыктанан эрэр эдэр киһи үлэтин-хамнаһын билсэ улуус баһылыга Александр Атласов бара сырытта.
Айдын Аргунов: «Дьаһалтаттан сир ыламмын, судаарыстыба биэрбит өйөбүл харчытынан саҥа хотон тутуннум. 20-чэ ыанар ынахтаахпын. Сайын нэһилиэкпитигэр «Эрэл» ТХПК үүт тутар пуунугар үүппүтүн туттарабыт, кыһынын туппат буолан, бэйэбит оҕолорбутугар сүөгэйдээн, күөрчэхтээн сиэтэбит. Кыһынын да туталлара буоллар, эбии дохуот аахсыах эбиппит. Партизаҥҥа кыһыннары туталлар, бастаан онно илдьэн туттаран испитим да уматык, техника өттүгэр ороскуоттаах буолууһу диэммин илдьибэппин. Билигин төбөм ахсаанын элбэтэр былааннаахпын», — диэн санаатын үллэстэр.
Эдэр фермер инникитин хотонун тупсарар, дьиэ-уот, гараас туттар, сүөһү эбии аһылыгын ыһар баҕа санаалаах. Техникалара эргэлэр, ол эрэн техникаҕа кыра эрдэҕиттэн сыстаҕас буолан, өрөмүөннээн үлэлэтэр. «Саҥа тыраахтырдары ыларым буоллар абыраныам этэ», — диир.
Министерство культуры Якутии подвело итоги года исторической памяти и 80-летия Победы
Юрий Трутнев провёл заседание правительственной комиссии по вопросам социально-экономического развития Дальнего Востока
Якутск присоединится к международной акции «Быть здоровым — это модно!»
Кого и где ждать с отчетом - в инфографике ЯСИА
Генеральный директор Госкорпорации «Росатом» дал комментарий об итогах работы комиссии Госсовета РФ по энергетике
Заметнее всего вырос спрос к франшизам в сфере строительства — в три раза за год