Турцияҕа Дьокуускай куорат күннэригэр Булуҥ эмиэ кыттыыны ылар

479

Турция дой­дутун тэбэр сүрэҕэр, Стамбул куо­ракка, Дьокуускай куорат күннэригэр Булуҥ улууһун уран тарбахтаах олохтооҕо Светлана Садовникова кыттар. 


Турцияҕа буолбут улахан түһүлгэҕэ Саха сирин талааннаах дьоно бэйэлэрин уран тарбахтарынан оҥорбут кэрэ оҥоһуктарын быыстапкалаан көрдөрдүлэр. Манна Булуҥ­­ улууһуттан аҕыйах ахсааннаах норуоттар кэтэр таҥастарын, туттар тэриллэрин, киэргэллэрин, оонньуурдарын оҥорор Светлана Садовникова кыттар.

Николай Асаев, улуус баһылыгын бастакы солбуйааччыта:
Бу күннэргэ Стамбул куоракка Дьо­куускай куорат күннэрэ буола турар. Тэрээһин таһыма олус үрдүк. Саха сириттэн улахан делегация кыт­тар. Онно биһиги биир дойдулаахпыт Светлана Садовникова бар­быта биһигини барыбытын олус үөрдэр. Кини омук сиригэр тиийэн бэйэтин илии­тинэн оҥорбут оҥоһуктарын, айар үлэтин көрдөрөр. Улахан таһымнаах тэрээһиннэргэ маннык идэлээх дьон көмөтүнэн Булуҥ­мут улууһа кыттыыны ылара олус үөрүү­лээх.