Депутаттар съезтэригэр Орто Халыма улууһуттан 6 делегат кыттыаҕа

549

Буолаары турар өрөспүүбүлүкэтээҕи депутаттар I-кы съезтэригэр Орто Халыма улууһуттан алта киһи кыттыаҕа.


Съезка кыттар быраабы Орто Халыма улууһун депутаттарын Сэбиэтин бэрэссэдээтэлэ Пантелеймон Иванович Сыроватскай, бюджет хамыыһыйатын бэрэссэдээтэлэ Александр Васильевич Третьяков, производственнай салаа хамыыһыйатын чилиэнэ Егор Юрьевич Епанчинцев, социальнай салаа хамыыһыйатын чилиэнэ Дмитрий Дмитриевич Третьяков, Орто Халыма куоратын депутаттарын Сэбиэтиттэн Тамара Григорьевна Оконешникова уонна 1-кы Хаҥалас нэһилиэгин депутаттарын Сэбиэтиттэн Максим Максимович Винокуров ыллылар.

Съезд чэрчитинэн П.И.Сыроватскай “Проблемы и перспективы развития законодательства в сфере деятельности представительных органов муниципальных образований” семинарга, Д.Д.Третьяков “Консолидация общественного и местного самоуправления — современный вектор развития” төгүрүк остуолга, эдэр депутаттар Е.Ю. Епанчинцев, А.В. Третьяков, М.М. Винокуров “Роль молодых депутатов в развитии общественно-политической жизни РС(Я)” төгүрүк остуолга, Д.Д. Третьяков “Актуальные проблемы регулирования депутатской этики и соблюдения регламента представительного органа” төгүрүк остуолга, о.д.а. семнардарга, Т.Г.Оконешникова Ил Түмэн Судаарыстыбаннай мунньах иһинэн дьахталлар общественнай-политическай кулууптарын төгүрүк остуолугар кыттыахтара.

Маны таһынан СӨ депутаттарын VI Спартакиадаларыгар биһиги улууспутуттан ытыыга Е.Ю. Епанчинцев бэйэтин кыаҕын холонон көрүөҕэ.

0
0