Сунтаардар географическай диктаҥҥа көхтөөхтүк кыттаары сылдьаллар

    0
    21

    География нэдиэ­лэтин чэрчи­ти­нэн сэтин­ньи 26 күнүгэр дойду үрдүнэн географичес­кай диктант буолуоҕа. Бу диктант Арассыыйа Бэрэсидьиэ­нэ, Уопсастыба попе­чи­­тель­­скай сэбиэтин бэрэссэ­дээ­тэлэ Владимир Пу­тин көҕүлээһининэн 2015 сылтан нэһи­лиэнньэ геог­рафияҕа билиитин хаҥа­тар сыаллаах ыытыллар.


    Бастакы сылтан Саха сирэ кыттааччы ахсаанынан инники күөҥҥэ сылдьар. 2015 с. дойду үрдүнэн 210 анал былаһааккаларга, интэ-р­иниэт нөҥүө, уопсайа, 72 тыһ. кэриҥэ киһи диктаны толорбута. Мантан уон гыммыт биирэ, ол эбэтэр 7026 киһи Саха сириттэн диктаҥҥа бэйэтин холонон көрбүтэ. Бу көрдөрүү дойду киинэ – Москва куорат кыттааччытын ахсааныттан икки төгүл элбэх (3343).

    2016 с. барыта 187 тыһ. киһи бэйэтин холонон көрбүт. Мантан 15 тыһ. кыттааччылаах Саха сирэ эмиэ инники күөҥҥэ тахсыбыта. Онтон Башкортостан (6 тыһ.), Санкт-Петербург (4 тыһ.) үчүгэй көрдөрүүлээхтэр. Былырыын Сунтаар улууһун 367 олохтооҕо бэйэтин тургутан көрбүтэ.

    Диктант 30 садаанньаттан турар. Манна баар буолуохтара – геог­рафия терминнэрин билии, каартаны ааҕыы, быраактыка. Диктант, уопсайа, биир чаас буолар. Мантан 15 мүн. инструкцияны ааҕыыга, 45 мүн. диктаны толорууга барар. Диктант уопсай баала 100 буолар. Хас биирдии кыттааччы тус нүөмэр бэриллэр. Ол нүөмэринэн http://dictant.rgo.ru сайтка киирэн түмүккүн көрүөххүн сөп.

    Быйылгы диктант норуоттар икки ардыларынааҕы таһымҥа таҕыста. Ол курдук, Арассыыйа олохтоохторун сэргэ тас дойдулар­тан нууччалыы билэр, сааһыттан, үөрэҕиттэн, социальнай статуһут­тан, итэҕэлиттэн, гражданствотыттан тутулуга суох, ким баҕалаах, босхо кыттыан сөп. Диктант туһунан информацияны http://dictant.rgo.ru сайтан булуохха сөп.

    Онон, улууспут олохтоохторо быйылгы да диктаҥҥа кыттааччы ахсаанынан өрөспүүбүлүкэбитин инники күөҥҥэ таһаарар курдук көхтөөхтүк кыттыаҕыҥ. Сэтинньи 26 күнүгэр күнүс 12:00 чаастан анал былаһааккалар улуус бары оскуолаларыгар, улуустааҕы үөрэх управлениетыгар, улуустааҕы бибилэтиэкэҕэ аһыллыахтара.