Сиэйэ бэтэрээнэ ыччакка махталын тириэрдэр

    0
    28

    Ыччат лидерэ Марина Филиппова көҕүлээһининэн, Сиэйэ нэһилиэгин эдэр ыччата Аҕа дойду Улуу сэриитин бэтэрээнигэр Степанов Прокопий Афанасьевичка оттук маһын хайытан, туруоран биэрдилэр.


    Уоттаах сэрии бэтэрээнэ, Сиэйэ олохтооҕо Прокопий Афанасьевич Степанов ыччаттарга махтала муҥура суох, урукку да өттүгэр мэлдьи көмөлөһөллөрүттэн үөрэрин эттэ. Эдэрдэргэ алгыс бастыҥын анаата. Үлэ бүтэһигэр барыларын кытта хаартыскаҕа түһүстэ.

    Бэтэрээн Прокопий Афанасьевич төлөпүөнүнэн олохтоох дьаһал­таҕа эрийэн ыччаттарга, кини кыһалҕатыттан нэһилиэк тэрилтэлэрэ туора турбаттарын, мууһун оскуола үлэһиттэрэ ылбыттарын, ону дьаһалта үлэһиттэрэ тиэйэн биэрбиттэрин махтанан кэпсээтэ. Сайын улахан тыалга олорор дьиэтин сарайа алдьаммытыгар улуус уонна нэһилиэк дьаһалтата харчынан уонна матырыйаалынан көмөлөс­пүттэрин, олохтоох предприниматель Григорий Ефимов сарайын хаачыстыбалаахтык тутан биэрбититтэн аһара астынарын, махтана­рын туһунан эттэ. Кырдьаҕас кэпсээнин түмүгэр «Куһаҕан үчүгэйэ суох буолбат, хата, сарайбын тыал көтүтэн босхо саҥа сарайданным» диэн күлэр.