Сибээс министиэристибэтэ кыттыылаах Горнай улууһугар түргэн интэриниэт киириитин тула кэпсэттилэр

18:00, 04 декабря 2017
Текст:
Читайте нас на
Дзен
afisha.png

Горнай улууһун Бэрдьигэстээҕэр түргэн интэриниэт ситимин улуус киинигэр уонна нэһилиэктэргэ киллэриини дьүүллэстилэр. Кэпсэтиигэ СӨ Сибээс уонна информационнай технология миниистэрэ Александр Борисов: «2012 сылтан саҕалаан өрөспүүбүлүкэ үрдүнэн 5 583 килэмиэтир усталаах оптоволоконнай сибээс ситимэ тардыллыбытын түмүгэр, нэһилиэнньэ 68,81 % түргэн интэриниэтинэн туһанар буолла», — диэн тоһоҕолоон эттэ.


Горнай улууһун баһылыга Никита Андреев олохтоохтор ааттарыттан сибээс өҥөтүгэр төлөбүрү нэһилиэнньэ дохуотун учуоттаан оҥороллоругар этии киллэрдэ. Салгыы кэлэр өттүгэр бииргэ үлэлээһин сүрүн сыалынан-соругунан 2021 сылга Бэрдьигэстээххэ ыытыллыахтаах ХХI-с «Манчаары оонньууларыгар» бэлэмнэнии буоларын иһитиннэрдэ. Саха сирин олимпийскай оонньуулара буолбут сүдү суолталаах хамсааһын үрдүк таһымҥа ыытылларыгар сибээс сайдыыта улахан оруоллааҕын билинэн туран, тэрээһин кыттыылаахтара үлэлэһиэхпит диэн эрэннэрдилэр.

Олохтоохтор уонна мунньах кыттыылаахтара 2017 сыл саҕаланыытыгар Бэрдьигэстээххэ сибээс сатыы киһи хаамарыныы тарҕанар эбит буоллаҕына, сыл аҥарын иһигэр сүҥкэн хардыыны оҥорбутун эттилэр. Ол түмүгэр, түргэн интэриниэт ситимин туһананнар, МТС, Мегафон суотабай оператордар дьоҥҥо оҥорор өҥөлөрүн хас эмэ төгүл элбэппиттэрин бэлиэтээтилэр.

+1
0
+1
0
+1
0
+1
0
+1
0
+1
0
+1
0
29 марта 29.03
  • -11°
  • $ 92,26
  • 99,71

Сообщить об опечатке

Текст, который будет отправлен нашим редакторам: