Регионнар сыһыаннаһыыларыгар анаммыт мунньах кыттыылаахтара Хаҥалас сиригэр сырыттылар

09:50, 04 ноября 2017
Текст:
Читайте нас на
Дзен
afisha.png

Саха сирин норуоттарын Ассамблеяларын көҕүлээһининэн, Ил Дархаммыт Егор Афанасьевич Борисов өйөбүлүнэн бу күннэргэ Дьокуускай куоракка регионнар сыһыаннаһыыларын ыккардыларыгар ыытыллар научнай-практическэй конференция үлэтин саҕалаата.


Мунньахха Москва куораттан кэлбит күндү ыалдьыттар, А.Е.Кулаковскай аатынан норуоттар айымньыларын сүрүн специалистара кыттыылаах сэтинньи 2 күнүгэр Хаҥалас улууһугар күүлэйдээн бардылар.

Ыалдьыттар “Арчы дьиэтигэр” Байанайы олордуу туомугар кытыннылар, алгыс ыллылар.

«Уран» түмсүү маастардарын айымньылара, уруһуйдара, библиотека үлэһиттэрэ кинигэ, сурунаал быыстапкатын туруоран, киэҥ көрүүгэ таһааран, өбүгэбит үгэһин тэрээһинин толору арыйан биэрдилэр.

Кэлбит ыалдьыттары Хаҥалас улууһун култууратын уонна духуобунай сайдыыга салалтатын салайааччыта Сахаайа Громова эҕэрдэлээтэ. Улуус баһылыга Гаврил Алексеев аатыттан бэлэхтэри туттарда.

Күндү ыалдьыттарбыт хардары эҕэрдэ тылын этэн баран, «Кремль в Москве» диэн ааттаах диискэлээх улахан кинигэ туттардылар. Дьоро күн «Тирэх» бэтэрээннэр ансаамбыллара кыттыылаах оһуокайынан түмүктэннэ.

Ыалдьыттарбыт салгыы Г.В.Ксенафонтов аатынан музейга сырыттылар, аара баран иһэн Орто Дойду этнокомплексыгар Төхтүр олохтоохторо С.Ф. Тапыева салайааччылаах «Кэскил» хомусчуттар народнай ансаамбылларын дьүрүһүйэр тыастаах дорҕоонун иһиттилэр, Ытык сир ураты кэрэтин билистилэр.

+1
0
+1
0
+1
0
+1
0
+1
0
+1
0
+1
0
29 марта 29.03
  • -13°
  • $ 92,26
  • 99,71

Сообщить об опечатке

Текст, который будет отправлен нашим редакторам: