Ньурбаҕа цифровой тэлэбиидэнньэ киирдэ

09:09, 28 ноября 2017
Текст:
Читайте нас на
Дзен
afisha.png

Бу күннэргэ Ньурба улууһугар цифровой тэлэбиидэнньэни киллэриигэ федеральнай тус сыаллаах тосхол үлэтэ сүрүннээн түмүктэннэ.


Билиҥҥи туругунан биһиги улууспутугар барыта 11 станция үлэҕэ киирдэ. Ньурба куоратыгар уонна Маар нэһилиэгэр 65 м үрдүктээх вышкалар тутулуннулар. Бу икки базовай станцияларга 250 ватт кыамталаах 1-дии тарҕатааччылар турдулар. Ньурба к. станциятыттан Ньурба куоратын, Антоновка, Нефтебаза, Сүлэ, Дьиикимдэ, Ньурбачаан уонна Күндээдэ нэһилиэктэрин олохтоохторо телевизионнай биэриилэри көрөр кыахтаннылар. Маар базовай станциятыттан Маар, Хаҥалас, Акана, Марха, Дьаархан уонна Киров олохтоохторо цифровой телевизионнай биэриилэри көрүөхтэрэ. Маны таһынан Хатыы, Маалыкай, Малдьаҕар, Чуукар, Өҥөлдьө, Чаппанда, Хорула, Үөдэй нэһилиэктэригэр уонна Накыыҥҥа Ньурбатааҕы ГОК территориятыгар эмиэ базовай станциялар тутуллан үлэҕэ киирбиттэрэ.

Инньэ гынан былааннаммыт үлэ улахана барыта бүттэ, кыра ситэриилээр бара тураллар. Ол иһин кылгас кэмҥэ сорох станцияларга тохтобуллар оҥоһуллуохтара диэн исписэлиистэр сэрэтэллэр. Барыта бүттэҕинэ, судаарыстыбаннай хамыыһыйа туттаҕына, станциялар тохтобула суох үлэлиэхтэрэ. «1-кы мультиплекс» диэн информационнай бакыат буолар, 10 бырагыраама көстөр. Манна бааллар: «1-кы канал», «Россия 1», «Матч ТВ», «НТВ», «5-с канал», «Культура», «Россия 24», «Карусель», «ОТР» уонна «ТВЦ». Салгыы 2018 сыл устатыгар эбии тарҕатааччылар кэлэн туруоруллан, «2-с мультиплекс» диэн «аралдьытар-саататар бакыат» киириэҕэ, эмиэ 10 ханаал эбии көстөр буолуоҕа. Ол иһигэр баар буолуохтара: «Рен ТВ», «Спас» (православнай канал), «СТС», «Домашний», «ТВ 3», «Спорт + Пятница», «Звезда», «Мир», «ТНТ», «Муз ТВ».

Онтон өссө «3-с мультиплекс» диэн эмиэ бырагыраамалар бакыаттара киириэхтээх. Ону 2018 с. бигэргэтиэхтээхтэр, итиннэ ханнык бырагыраамалар киирэллэрэ өссө быһаарылла илик. Бу бакыакка региональнай каналлары киллэрдэхтэринэ, Сахабыт сирин канала көстүөхтээх диэн буолар.

Ааспыт нэдиэлэттэн «ТТК» тэрилтэ («Транстелеком») исписэлиистэрэ кэлэн нэһилиэктэринэн сылдьан, ситэриллибэтэх үлэлэрин толоро сылдьаллар. Контейнеры сылааһы тутар гына оҥоруу, «заземление», олбуор ситэриитэ курдуктар билигин да элбэхтэр, эрдэ матырыйааллара ситэ кэлбэккэ хааланнар оҥоһуллубатахтара.

Онон дойдубут салалтатын тэлэбиидэнньэни цифровой технологияларга көһөрүүгэ федеральнай тус сыаллаах тосхоло Ньурбаҕа киирдэ дииргэ кыах баар.

+1
0
+1
0
+1
0
+1
0
+1
0
+1
0
+1
0
29 марта 29.03
  • -10°
  • $ 92,26
  • 99,71

Сообщить об опечатке

Текст, который будет отправлен нашим редакторам: