Үөһээ Бүлүүгэ полиция үлэһиттэрэ сонун быыстапканы тэрийдилэр

16:55, 03 ноября 2017
Текст:
Читайте нас на
Дзен
afisha.png

Бүгүн Арассыыйаҕа ис дьыала министиэристибитэ төрүттэммитэ 100 сылын чэрчитинэн, Үөһээ Бүлүүтээҕи суол инспециятын көҕүлээһининэн, полиция эйгэтигэр туһаныллар тиэхиньикэни, сааны-сэбиргэли, туттар малы-салы быыстапкалаатылар. 


Сонун тэрээһиҥҥэ патриот, трэкол, ВАЗ-3121, буруйдаах дьону таһар автозак массыына, мотор тыы, буран икки арааһа туруоруллубут. «Урут, бу техникалары ыраахтан эрэ көрөр эбит буоллахпытына, билигин тутан-хабан, бэл, олорсон көрдүбүт» — диэн астына этэллэр олохтоохтор.

Быыстапкаҕа Макаров бэстилиэтиттэн саҕалаан Драгунов винтовкатыгар, Калашников автоматтарын араастара, барыта 9 саа-сэбиргэл, бронежилеттар араастара тэлгэннэ. Итиэннэ итирик туруктаах киһи төһө аргыны испитин кээмэйдиир алкотестер, массыына түргэнин, тонировкатын кээмэйдиир тэрил эмиэ көрүөххэ сонун буолла.

Гермоген Сибиряков, Үөһээ Бүлүүтээҕи ГАИ начаалынньыга:

— Биһиги улууспутугар маннык быыстапка бастакытын тэрилиннэ. Дьон олус сэҥээрдэ, ордук эр дьон уонна оскуола оҕолоро тоҕуоруһа муһуннулар. Оннооҕор кыра саастаах оҕо саад иитиллээччилэрэ кытта кэлэн көрбүттэрэ – биһиэхэ соһуччу үөрүү буолла.

Полицияны кытта олохторун сибээстиэн баҕалаах оҕолорго, ыччаттарга анаан быыстапканы кытта тэҥҥэ кадр отдела үлэлээтэ. Тустаах исписэлиистэр ханна үрдүкү милиция оскуолата баарын, ханнык биир кэлим эксээмэннэр ирдэнэллэрин, онтон да атын сүбэлэри-амалары биэрдилэр.

+1
0
+1
0
+1
0
+1
0
+1
0
+1
0
+1
0
29 марта 29.03
  • -13°
  • $ 92,26
  • 99,71

Сообщить об опечатке

Текст, который будет отправлен нашим редакторам: