Чурапчы эр дьоно оҕунан ытыыга илин-кэлин түһүстүлэр

    0
    38

    Чурапчыга 18 эр бэрдэ сахалыы оххо күрэхтэстилэр. Күөн көрсүү иннигэр бу спорт ураты көрүҥүн туһунан кэпсэттилэр.


    Сахалыы оҕунан ытыы Чурапчы улууһугар тэнийэн эрэр спорт көрүҥэ буолар. Онон эр дьон түмсэн, күрэхтэһиини ыыттылар. Саҥа саҕалааччыларга анаан маастар-кылаас тэрилиннэ.

    Күрэхтэһиигэ туттуллубут сорох оҕу Павел Попов бу бэрт соторутааҕына оҥорбута. Спортсменнар ытара үчүгэйин бэлиэтээтилэр.

    «Хатылы, Мындаҕаайы нэһилиэктэригэр традиционнай оххо дьон түмсүөх курдук.
    Онон мантан кыһын туһааннаах күрэхтэһиини элбэхтик оҥоруохпут«, — диэн тэрийээччилэр санааларын эттилэр.

    Чурапчыга А.И.Федотов аатынан спорткомплекска ыытыллыбыт бэрт тыҥааһыннаах күрэхтэһии сыалын ситтэ.